ଗହଣା ଦୋକାନରୁ ଲୁଟ : ଜଣେ ଗିରଫ, ୩ ଫେରାର୍
କଟକ : ବୁଧବାର କଟକର ସେକ୍ଟର-୬ରେ ଥିବା ଏକ ଗହଣା ଦୋକାନରୁ ଲୁଟ୍ ହୋଇଥିବା ଜଣାପଡିଛି। ଲୁଟ୍ କରିବାକୁ ଆସିଥିବା ଲୁଟେରାମାନଙ୍କ ମଧ୍ୟରୁ ଜଣେ ଲୁଟେରାକୁ ଧରି ପୁଲିସ ଜିମା ଦେଇଛନ୍ତି ସ୍ଥାନୀୟ ଲୋକେ। ଲୁଟ୍ ଘଟଣାରେ ସମ୍ପୃକ୍ତ ଥିବା ଅନ୍ୟ ୩ ଜଣ ଲୁଟେରା ଘଟଣାସ୍ଥଳରୁ ଫେରାର୍ ହୋଇଯାଇଛନ୍ତି। ଧରା ପଡିଥିବା ଲୁଟେରାଠାରୁ ଭୁଜାଲି ସହ ବନ୍ଧୁକ ଜବତ ହୋଇଛି। ଅନ୍ୟ ଅଭିଯୁକ୍ତମାନଙ୍କୁ ଧରିବାକୁ ପୁଲିସ ପକ୍ଷରୁ ଜୋର୍ଦାର ଉଦ୍ୟମ ଜାରି ରହିଛି।