ଭଦ୍ରକରେ ଗୁଳି ଫୁଟାଇ ଲୁଟ୍‌

ଭଦ୍ରକ : ବୁଧବାର ବିଳମ୍ବିତ ରାତିରେ କେତେକ ଦୁର୍ବୃତ୍ତ ଗୁଳି ଫୁଟାଇ ଭଦ୍ରକର ଏକ ଔଷଧ ଦୋକାନରୁ ଲୁଟ୍‌ କରିଛନ୍ତି।

ଅଭିଯୋଗ ଅନୁସାରେ, ବୁଧବାର ରାତି ସାଢ଼େ ୧୦ଟାରେ ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ଆରଡ଼ିଛକ ନିକଟ ମାନବଜ୍ୟୋତି ଔଷଧ ଦୋକାନକୁ ୩ଟି ବାଇକରେ ୯ଜଣ ଦୁର୍ବୃତ୍ତ ଆସି ଅଚାନକ ଫାଙ୍କା ଗୁଳି ଚାଳନା କରିଥିଲେ। ଗୁଳି ଫୁଟିବା ଶବ୍ଦ ଶୁଣି ଦୋକାନର କର୍ମଚାରୀମାନେ ଭୟଭୀତ ହୋଇ ପଡ଼ିଥିଲେ। ଦୁର୍ବୃତ୍ତମାନେ ଦୋକାନ ଭିତରେ ପଶି କର୍ମଚାରୀଙ୍କୁ ଧମକ ଦେଇ ୩ଟି ମୋବାଇଲ, ୧୫ ହଜାର ଟଙ୍କା ନେଇ ଘଟଣାସ୍ଥଳରୁ ଚମ୍ପଟ ମାରିଥିଲେ। ଖବର ପାଇ ଗ୍ରାମାଞ୍ଚଳ ଥାନା ଅଧିକାରୀ ଆଲୋକ ଜେନା ପହଞ୍ଚି ଘଟଣାର ତଦନ୍ତ କରୁଛନ୍ତି। ସହରର ସମସ୍ତ ରାସ୍ତା ସିଲ୍‌ କରିବା ସହ ସବୁ ଥାନାକୁ ଖବର ଦିଆଯାଇଛି। ତେବେ ଲୁଟେରାଙ୍କର କୌଣସି ପତ୍ତା ମିଳି ନ ଥିବା ବେଳେ ପୁଲିସ ଔଷଧ ଦୋକାନରୁ ଖୋକା ଜବତ କରିଛି।