ସଫା କରିବା ଆଳରେ ସୁନାଗହଣା ଧରି ଛୁ’
ଝରାଡ଼ିହି-୨: ମୟୂରଭଞ୍ଜ ଜିଲ୍ଲା ବହଳଦା ଥାନା ଅନ୍ତର୍ଗତ ଗୁହାଳଡ଼ାଙ୍ଗିରି ଗ୍ରାମକୁ ଆଜି ଦୁଇଜଣ ଯୁବକ ଏକ ପଲ୍ସରରେ ଆସିଥିଲେ। ସେମାନେ ଲୋକଙ୍କୁ ସୁନାଗହଣା ସଫା କରିଦେବେ ବୋଲି କହିଥିଲେ। ଫଳରେ ନରେନ୍ଦ୍ର ନାଥ ଧୀରଙ୍କ ପରିବାରର ମହିଳାମାନେ ୩ଟି ସୁନା ଚେନ୍ ଓ ୩ଟି ମୁଦି ସଫା କରିବାକୁ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ ସଫା ପାଇଁ ହଳଦୀଗୁଣ୍ଡ ଆଣିବାକୁ ମହିଳାମାନଙ୍କୁ କହିଥିଲେ। ସେମାନେ ହଳଦୀଗୁଣ୍ଡ ଆଣିବା ପାଇଁ ଘର ଭିତରକୁ ଯିବା କ୍ଷଣି ଯୁବକମାନେ ସୁନାଗହଣା ଧରି ସେଠାରୁ ଛୁ’ ମାରିଥିଲେ। ଏ ନେଇ ବହଳଦା ଥାନାରେ ନରେନ୍ଦ୍ର ଲିଖିତ ଅଭିଯୋଗ କରିଛନ୍ତି। ଫଳରେ ପୁଲିସ ୭୨/୨୨ରେ ଏକ ମାମଲା ରୁଜୁ କରି ତଦନ୍ତ ଚଳାଇଛି।