ଦ୍ବିତୀୟ ଥର ଗ୍ୟାଲାଣ୍ଟ୍ରି ଆୱାର୍ଡ ପାଇଲେ ଏଲ୍‌ଆର୍‌ ଡିଏଭି ଛାତ୍ରୀ ଦିବ୍ୟାଂଶୀ

କଟକ : ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଆୟୋଜିତ ବିଦ୍ୟାଳୟସ୍ତରୀୟ ‘ବୀର ଗାଥା ପ୍ରତିଯୋଗିତାରେ ଏଲ୍‌.ଆର୍‌ ଡିଏଭି ସ୍କୁଲର ପଞ୍ଚମଶ୍ରେଣୀ ଛାତ୍ରୀ ଦିବ୍ୟାଂଶୀ ଦାସ ଦ୍ବିତୀୟ ଥର ଗ୍ୟାଲାଣ୍ଟ୍ରି ଆୱାର୍ଡ ପାଇବାକୁ ଯୋଗ୍ୟ ବିବେଚିତ ହୋଇଛନ୍ତି। କ୍ରମାଗତ ଭାବେ ଦୁଇ ବ‌ର୍ଷ ଧରି ଏହି ମର୍ଯ୍ୟାଦାଜନକ ସମ୍ମାନ ପାଇ ଦିବ୍ୟାଂଶୀ ବିଦ୍ୟାଳୟ ସମେତ ରାଜ୍ୟ ପାଇଁ ଗୌରବ ଅର୍ଜନ କରିଛନ୍ତି।

ଦିଲ୍ଲୀରେ ଆୟୋଜିତ ଆସନ୍ତା ସାଧାରଣତନ୍ତ୍ର ଦିବସ ଉତ୍ସବରେ ଦିବ୍ୟାଂଶୀଙ୍କୁ ସମ୍ମାନିତ କରାଯିବ ବୋଲି ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯିବା ସହିତ ଦିବ୍ୟାଂଶୀଙ୍କୁ ସ୍ବତନ୍ତ୍ର ଭାବେ ନିମନ୍ତ୍ରଣ କରାଯାଇଛି। ଦିବ୍ୟାଂଶୀଙ୍କର ଏହି ସଫଳତା ପାଇଁ ଡିଏଭି ସମୂହର ଆଞ୍ଚଳିକ ଅଧିକାରୀ ଡକ୍ଟର୍‌ କେଶବ ଚନ୍ଦ୍ର ଶତପଥୀ, ଏଲ୍‌ଆର୍ ଡିଏଭି ଅଧ୍ୟକ୍ଷ ନିରଞ୍ଜନ ସ୍ବାଇଁ ତାଙ୍କୁ ଶୁଭେଚ୍ଛା ଜଣାଇଛନ୍ତି।