ମା’ ବୁଢ଼ୀ ଠାକୁରାଣୀ ଯାତ୍ରା ବାଟ ଫିଟିଲା
ବ୍ରହ୍ମପୁର : ଦକ୍ଷିଣ ଓଡ଼ିଶା ତଥା ବ୍ରହ୍ମପୁରର ଆରାଧ୍ୟା ଦେବୀ ମା’ ବୁଢ଼ୀ ଠାକୁରାଣୀଙ୍କ ଯାତ୍ରାକୁ ନେଇ ଗତ ଦୁଇଦିନ ଧରି ଚାଲିଥିବା ଦ୍ବନ୍ଦ୍ବର ଅବସାନ ଘଟିଛି। ବିଧାୟକ, ପ୍ରଶାସନ ଓ ଯାତ୍ରା ପରିଚାଳକଙ୍କ ମଧ୍ୟରେ ହୋଇଥିବା ସମନ୍ବୟ ବୈଠକରେ ଆପୋଷ ଆଲୋଚନା ପରେ ମା’ଙ୍କ ଯାତ୍ରା ନେଇ ବାଟ ଫିଟିଛି।
Sambad is now on WhatsApp
Join and get latest news updates delivered to you via WhatsApp
ମୂଳରୁ ପ୍ରଶାସନ ମାଙ୍କ ଯାତ୍ରା ପାଇଁ ୭ ଦିନର ଅନୁମତି ଦେଇଥିବା ବେଳେ ଯାତ୍ରା ପରିଚାଳକ ୨୧ ଦିନ ପାଇଁ ଅନୁମତି ମାଗିଥିଲେ। ଏହାକୁ ନେଇ ଦ୍ବନ୍ଦ୍ବ ଦେଖାଦେବା ସହ ୧୯ ତାରିଖ ଦିନ ହେବାକୁ ଥିବା ଶୁଭଖୁଣ୍ଟି ସ୍ଥାପନକୁ ସ୍ଥଗିତ ରଖାଯାଇଥିଲା। ଆଜି ଅନୁଷ୍ଠିତ ବୈଠକରେ ପ୍ରାଥମିକ ପର୍ଯ୍ୟାୟରେ ୭ ଦିନ ପାଇଁ ପ୍ରଶାସନ ଦେଇଥିବା ଅନୁମତିକୁ ଯାତ୍ରା ପରିଚାଳକ ରାଜି ହେବା ସହ ଆସନ୍ତାକାଲି ଶୁଭଖଣ୍ଟି ସ୍ଥାପନ କରାଯିବ ବୋଲି ଯାତ୍ରା ପୁରୋଧା ପି. ଦୁର୍ଗାପ୍ରସାଦ ଦେଶୀବେହେରା ଘୋଷଣା କରିଛନ୍ତି।