ହେମଗିର ଗର୍ଜନପାହାଡ଼ରେ ମହାବଳ !
ସୁନ୍ଦରଗଡ଼ : ହେମଗିର ଗର୍ଜନପାହାଡ଼ରେ ମହାବଳ ବାଘ ଦେଖାଯାଇଥିବା ଚର୍ଚ୍ଚା ହେଉଛି। ଏପରିକି ବାଘର ଏକ ଭିଡିଓ ସାମାଜିକ ଗଣମାଧ୍ୟମରେ ଘୂରି ବୁଲୁଛି। ଗର୍ଜନପାହାଡ଼ର ମନୋହରପୁର କୋଇଲା ଖଣି ଡମ୍ପିଂ ଅଞ୍ଚଳରେ ଗତ ଗୁରୁବାର ରାତିରେ ଜଣେ ଡ୍ରାଇଭର ଗାଡ଼ି ନେଇ ଖଣିକୁ ଫେରୁଥିବା ବେଳେ ରାସ୍ତା କଡ଼ରେ ବାଘକୁ ଦେଖି ଭିଡିଓ ଉତ୍ତୋଳନ କରିଥିବା କୁହାଯାଉଛି। ଯଦି ଏହା ସତ ହୋଇଥାଏ, ତାହେଲେ ଜିଲ୍ଲା ପାଇଁ ଏହା ଉତ୍ସାହଜନକ ଖବର ହେବ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ୨୦୧୮ ମେ ମାସରେ ଏଠାରେ ଏକ ବିରଳ କଳାବାଘ (ବ୍ଲାକ୍ପାନ୍ଥର) ଠାବ ହୋଇଥିଲା। ପରେ ପରେ ବିରଳ ବାଘ ଆଉ ଗର୍ଜନପାହାଡ଼ରେ ଦେଖିବାକୁ ମିଳି ନଥିଲା। ମହାବଳ ସମ୍ପର୍କରେ ବନଖଣ୍ଡ ଅଧିକାରୀ ପ୍ରଦୀପ କୁମାର ମିରାସେଙ୍କୁ ପଚାରିବାରୁ ସେ କହିଥିଲେ, ‘ହେମଗିର ଅଞ୍ଚଳରେ ମହାବଳ ନାହିଁ। ବାଘର ଭିଡିଓ ଦେଖିଛି, କିନ୍ତୁ ତାହା କେଉଁ ଅଞ୍ଚଳର ସ୍ପଷ୍ଟ ନୁହେଁ। ଆମେ ଏହାର ଅନୁସନ୍ଧାନ କରିବୁ’ ବୋଲି କହିଥିଲେ।