ପୁରୀ : ଶ୍ରୀମନ୍ଦିରରେ ରବିବାର ଦିନ ଶ୍ରୀଜିଉଙ୍କ ମହାସ୍ନାନ ନୀତି କରାଯାଇଛି। ଜୟବିଜୟ ଦ୍ବାର ନିକଟରେ ଜଣେ ଭକ୍ତ ବାନ୍ତି କରିଦେବା ପରେ ଶ୍ରୀଜିଉମାନଙ୍କର ମହାସ୍ନାନ କରାଯାଇଥିଲା। ମଙ୍ଗଳଆଳତି ସରି ମଇଲମ ହେବା ବେଳେ ଏହି ଘଟଣା ନଜରକୁ ଆସିଥିଲା। ତେଣୁ କିଛି ସମୟ ସର୍ବସାଧାରଣ ଦର୍ଶନ ବନ୍ଦ ରହିଥିଲା। ଘଟଣା ନଜରକୁ ଆସିବା ପରେ ଧୁଆଧୋଇ ହୋଇ ସକାଳ ୭ଟା ୫୫ ମିନିଟ୍‌ରେ ଚୂନ ପାଣି ପକାଇ ଶୋଧନ କରାଯାଇଥିଲା। ସକାଳ ୮ଟା ୫ ମିନିଟ୍‌ରେ ସିଂହାସନ ଧୁଆଯାଇଥିଲା। ୮ଟା ୨୦ରୁ ୮ଟା ୨୫ ପର୍ଯ୍ୟନ୍ତ ମହାସ୍ନାନ ହୋଇଥିଲା। କିଛି ସମୟ ମହାପ୍ରଭୁଙ୍କ ଦର୍ଶନ ବନ୍ଦ ରହିବା ପରେ ପୁଣି ଭକ୍ତମାନେ ଦର୍ଶନ ଲାଭ କରିଥିଲେ।