ନିରାଡ଼ମ୍ବର ଭାବେ ପାଳନ ହେବ ମହତାବ ଜୟନ୍ତୀ
ଭୁବନେଶ୍ୱର : ଆସନ୍ତାମାସ ୨୧ ତାରିଖରେ ପୂର୍ବତନ ମୁଖ୍ୟମନ୍ତ୍ରୀ ହରେକୃଷ୍ଣ ମହତାବଙ୍କ ଜୟନ୍ତୀ। ଚଳିତ ବର୍ଷ ଦେଶ ଓ ରାଜ୍ୟରେ ଦେଖାଦେଇଥିବା କୋଭିଡ ମହାମାରୀ ପାଇଁ ଏହି ଜୟନ୍ତୀ ସମାରୋହକୁ ନିରାଡ଼ମ୍ବର ଭାବେ ପାଳନ କରାଯିବ।
Sambad is now on WhatsApp
Join and get latest news updates delivered to you via WhatsApp
ଜୟନ୍ତୀ କମିଟି ମୁଖ୍ୟ ତଥା କଂଗ୍ରେସ ବିଧାୟକ ସୁରେଶ କୁମାର ରାଉତରାୟ କହିଛନ୍ତି, କରୋନାରେ ଆକ୍ରାନ୍ତ ହୋଇ ବହୁ ବ୍ୟକ୍ତି ଜୀବନ ଓ ମୃତ୍ୟୁ ସହ ସଂଗ୍ରାମ କରୁଛନ୍ତି। ବହୁ ଲୋକଙ୍କ ଜୀବିକା ପ୍ରଭାବିତ ହୋଇଛି। ଅନେକ କରୋନା ଯୋଦ୍ଧା ମଧ୍ୟ ରୋଗୀଙ୍କ ସେବାରେ ପ୍ରାଣବଳି ଦେଲେଣି। ସେମାନଙ୍କ ତ୍ୟାଗକୁ ସମ୍ମାନ ଦେବା ପାଇଁ ଏ ବର୍ଷ ମହତାବ ଜୟନ୍ତୀରେ କୌଣସି ପାଇକ ଆଖଡ଼ା ଓ ମେଲୋଡି କାର୍ଯ୍ୟକ୍ରମ ହେବନାହିଁ ବୋଲି କମିଟି ନିଷ୍ପତ୍ତି ନେଇଛି। କେବଳ ସେହିଦିନ ସକାଳ ୭ଟାରେ ମନ୍ଦିର, ମସଜିଦ୍, ଚର୍ଚ୍ଚ ଓ ବୁଦ୍ଧ ମନ୍ଦିରରେ ପୂଜାର୍ଚ୍ଚନା କରାଯିବ। ସକାଳ ୯ଟାରେ ଗାନ୍ଧୀ ମାର୍ଗଠାରେ କେବଳ ମହତାବଙ୍କ ଫଟୋ ପୂଜା ଅନୁଷ୍ଠିତ ହେବ।