ଭୁବନେଶ୍ବର : ପୁରୀ ଜିଲ୍ଲା ଚିଲିକା ମୁହାଣ ପାଖ ରାଜହଂସରେ ତୈଳ ବୋଝେଇ ମାଲେସିଆ ଜାହାଜକୁ ଖୁବଶୀଘ୍ର ହଟାଯିବ। ଜାହାଜ ଜୀନ୍ ଵା ମାଲିକ ପୁରୀ ଆସି ଜିଲ୍ଲା ପ୍ରଶାସନଠାରୁ ତୈଳ କାଢ଼ିବା ପାଇଁ ଅନୁମତି ନେଇସାରିଛି। ଆଜି ଏ ନେଇ ସୂଚନା ପ୍ରଦାନ କରି ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା କହିଥିଲେ ଜାହାଜରୁ ତୈଳ କାଢ଼ିବାବେଳେ ଯେପରି କୌଣସି ବି ଅବସ୍ଥାରେ ସମୁଦ୍ର ଜଳରେ ନ ମିଶିବ ସେଥିପାଇଁ ଆବଶ୍ୟକ ସତର୍କତା ଅବଲମ୍ବନ କରିବାକୁ ସମ୍ପୃକ୍ତ ଜାହାଜର ମାଲିକଙ୍କୁ ନିର୍ଦ୍ଦେଶ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରକାଶଥାଉକି, ବାଂଲାଦେଶରୁ ତୈଳ ବୋଝେଇ କରି ଜୀନ୍-ଵା ନାମକ ମାଲେସିଆ ଜାହାଜ ବିଶାଖାପାଟଣା ବନ୍ଦରକୁ ଯିବାବାଟରେ ଝଡ଼ବାତ୍ୟାରେ ବାଟବଣା ହୋଇ ଚଳିତମାସ ୭ ତାରିଖରେ ଚିଲିକା ମୁହାଣ ପାଖ ରାଜହଂସ କୂଳରେ ଲାଗିଥିଲା। ଜାହାଜରେ ହଜାର ହଜାର ଲିଟର ତୈଳ ଥିବାରୁ ସମୁଦ୍ରର ଜୈବ ବିବିଧତା ପ୍ରତି ବିପଦ ଦେଖାଦେବା ନେଇ ଉଦବେଗ ପ୍ରକାଶ ପାଇଥିଲା।