ରାତିଅଧିଆ ଗଞ୍ଜେଇ ମାଫିଆକୁ ଧରିବାକୁ ଯାଇ ହଟହଟା ହେଲା ମାଲକାନଗିରି ପୁଲିସ୍
ମାଲକାନଗିରି/କୋରାପୁଟ: ରାତିଅଧିଆ ଗଞ୍ଜେଇ ମାଫିଆକୁ ଧରିବାକୁ ଯାଇ ମାଲକାନଗିରି ପୁଲିସ୍ ହଟହଟା ହୋଇଥିବାର ଖବର ମିଳିଛି। ମିଳିଥିବା ସୂଚନା ଅନୁଯାୟୀ, କୋରାପୁଟ ଜିଲ୍ଲା ମାଛକୁଣ୍ଡ ଥାନା ମାଟିଖାଲରେ ଗଞ୍ଜେଇ ଚୋରାଚାଲାଣ ହେଉଥିବାର ମାଲକାନଗିରି ଏସଡିପିଓ ଶୁଭେନ୍ଦୁ ପାତ୍ର ଖବର ପାଇଥିଲେ। ସେ ବିଳମ୍ବିତ ରାତିରେ ମାଟିଖାଲ ଗାଁକୁ ଏକ ୩୦ ଜଣିଆ ପୁଲିସ୍ ଟିମ୍ ପଠାଇଥିଲେ।
Sambad is now on WhatsApp
Join and get latest news updates delivered to you via WhatsApp
ପୁଲିସ୍ ମାଫିଆକୁ ଧରିବା ଲାଗି ଜଣେ ଲୋକଙ୍କ ଘରେ ଚଢ଼ାଉ କରିଥିଲା। ତାପରେ ଗ୍ରାମବାସୀମାନେ ଏଥିରେ ଉତକ୍ଷିପ୍ତ ହୋଇ ପୁଲିସ୍ କର୍ମୀମାନଙ୍କୁ ନିସ୍ତୁକ ମାଡ଼ ମାରିଥିଲେ। ହେଲେ ଏହି ଘଟଣା ପରେ ଫାଙ୍କା ଗୁଳି ଚାଳନା କରି ପୁଲିସ୍ କର୍ମୀମାନେ ଛତ୍ରଭଙ୍ଗ ଦେଇଥିଲେ। କିନ୍ତୁ ପ୍ରଦୀପ ନାୟକ ନାମକ ଜଣେ କନେଷ୍ଟବଳ ଗାଁ ଲୋକଙ୍କ ଦ୍ୱାରା ଅଟକ ରହିଥିଲେ। ତାଙ୍କୁ ଗ୍ରାମବାସୀମାନେ ନିସ୍ତୁକ ମାଡ଼ ମାରିଥିବାର ଅଭିଯୋଗ ହୋଇଛି। ତେବେ ପରେ ମାଛକୁଣ୍ଡ ଥାନା ପୁଲିସ୍ ପ୍ରଦୀପ ନାୟକଙ୍କୁ ଉଦ୍ଧାର କରିଥିଲେ। ଗ୍ରାମବାସୀଙ୍କ ଆକ୍ରମଣ ଯୋଗୁଁ ୩୦ ଜଣିଆ ପୁଲିସ୍ ଟିମ୍ ଘଟଣାସ୍ଥଳରୁ ଖାଲି ହାତରେ ଫେରିଥିବା ଜଣାଯାଇଛି।