ଅସୁରକ୍ଷିତ ରାଜଧାନୀ! ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ

ଭୁବନେଶ୍ୱର : ରାଜଧାନୀରେ ଜଣେ ଛାତ୍ରୀଙ୍କୁ ଦୁଷ୍କର୍ମ ଉଦ୍ୟମ ହୋଇଛି। ଏହି ଘଟଣାରେ କ୍ୟାପିଟାଲ ଥାନା ପୁଲିସ ଅଭିଯୁକ୍ତକୁ ଗିରଫ କରିଛି। ସେ ହେଲା ପଶ୍ଚିମବଙ୍ଗର ଅଜୟ ବାଘ। ସେ ଏଠାରେ ୟୁନିଟ-୧ ଆଖଣ୍ଡଳମଣି ବସ୍ତିରେ ରହି ରଙ୍ଗମିସ୍ତ୍ରି ଭାବେ କାମ କରେ।

ପୁଲିସ ସୂଚନା ମୁତାବକ, ଛାତ୍ରୀଜଣକ ଏକ ବିଶ୍ବବିଦ୍ୟାଳୟରେ ପିଜି କରୁଛନ୍ତି। ସେ ୟୁନିଟ-୧ ଅଞ୍ଚଳରେ ରୁହନ୍ତି। ଅଜୟ ବିଭିନ୍ନ ସମୟରେ ସମ୍ପୃକ୍ତ ଛାତ୍ରୀଙ୍କ ପିଛା କରିବା ସହ ଅଶ୍ଳୀଳ ଇଙ୍ଗିତ କରୁଥିଲା। ଆଜି ରାତି ପ୍ରାୟ ସାଢ଼େ ୧୦ଟା ସମୟରେ ଛାତ୍ରୀ ଜଣକ ବାହାରକୁ ଆସିଥିଲେ। ସୁଯୋଗ ଅପେକ୍ଷାରେ ଥିବା ଅଜୟ ତାଙ୍କ ପାଟିକୁ ବନ୍ଦ କରି ଉଠାଇ ନେବା ସହ ଦୁଷ୍କର୍ମ ଉଦ୍ୟମ କରିଥିଲା। ଛାତ୍ରୀଙ୍କ ଚିତ୍କାର ଶୁଣି ପରିବାର ଓ ସ୍ଥାନୀୟ ଲୋକେ ଆସିବାରୁ ଅଭିଯୁକ୍ତ ଫେରାର ହୋଇଯାଇଥିଲା। ଘଟଣା ସମ୍ପର୍କରେ ସୂଚନା ପାଇ ପୁଲିସ ଆଖଣ୍ଡଳମଣି ବସ୍ତିରେ ଚଢ଼ଉ କରି ଅଭିଯୁକ୍ତ ଅଜୟକୁ କାବୁ କରିଛି।