ଟ୍ରକ୍‌ ଧକ୍କାରେ ଯୁବକ ମୃତ, ଜଣେ ଗୁରୁତର

ସୋ‌ହେଲା: ରବିବାର ରାତି ପ୍ରାୟ ସାଢ଼େ ୯ଟା ବେଳେ ସୋହେଲା ନିକଟସ୍ଥ ଗଡ଼ତିଆଟିକ୍ରା ଠାରେ ଏକ ମାଲ ବୋଝେଇ ଟ୍ରକ୍‌ ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। ମୃତକ ଯୁବକ ଜଣକ ସୋହେଲାର ସୁଦାମ ମେହେର ଓ ଗୁରୁତର ଜଣକ ହେଲେ ଗୋବିନ୍ଦ ସତନାମୀ। ଡବ୍ଲବି୩୩ଇ-୮୨୨୬୭ ନମ୍ବର ବିଶିଷ୍ଟ ଉକ୍ତ ଟ୍ରକ୍‌ରେ ଅଙ୍ଗୁର ବୋଝେଇ ହୋଇ ନାସିକ୍‌ରୁ କୋଲକତା ଅଭିମୁଖେ ଯାଉଥିଲା। ଦ୍ରୁତଗତିରେ ଆସୁଥିବା ଏହି ଟ୍ରକ୍‌ଟି ଭାରସାମ୍ୟ ହରାଇ ସୁଦାମ ଓ ଓ ଗୋବିନ୍ଦ ଯାଉଥିବା ବାଇକ୍‌କୁ ଧକ୍କା ଦେଇଥିଲା।

ଘଟଣାସ୍ଥଳରେ ‌ସୁଦାମଙ୍କ ମୃତ୍ୟୁ ଘଟିଛି। ଏହା ପରେ ଟ୍ରକ୍‌ଟି ରାଜପଥ ଉପରେ ଥିବା ଗୋଟିଏ ଟ୍ରାନ୍ସଫର୍ମରକୁ ଧକ୍କା ଦେଇଥିଲା। ଟ୍ରାନ୍ସଫର୍ମରଟି ଉପୁଡ଼ି ଯାଇ ପାଖାପାଖି ୩୦ ଫୁଟ ଦୂରକୁ ଘୋଷାଡ଼ି ହୋଇଯାଇଥିଲା। ରାସ୍ତା ଉପରେ ଟ୍ରାନ୍ସଫର୍ମର ରହିବାକୁ ବିଭିନ୍ନ ମହଲରୁ ତୀବ୍ର ନିନ୍ଦା କରାଯାଇଛି।