ଛାତରୁ ପଡ଼ି ଯୁବକ ମୃ୍ତ

ସମ୍ବଲପୁର: ସମ୍ବଲପୁର ଅଇଁଠାପାଲି ଥାନା ବୃନ୍ଦାବନ ବିହାର ଶାନ୍ତିଧାନ ନିକଟରେ ଛାତରୁ ପଡ଼ି ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣକ ହେଉଛନ୍ତି ସୋନପୁରର ଅର୍ଣ୍ଣବ ଅଭିସ୍ମିତ ନାଏକ(୧୮) । ସେ ତାଙ୍କ ପରିବାର ସହ ବୃନ୍ଦାବନବିହାରରେ ରହୁଥିଲେ। ଶନିବାର ଭୋର ସାଢ଼େ ୫ଟା ସମୟରେ ସେ ଛାତରେ ଚଢ଼ିଥିବା ବେଳେ ତଳେ ପଡ଼ି ଯାଇଥିଲେ।

ପରିବାର ଲୋକେ ତାଙ୍କୁ ଉଦ୍ଧାର କରି ତୁରନ୍ତ ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଏ ନେଇ ଅର୍ଣ୍ଣବଙ୍କ ବାପା ଅଇଁଠାପାଲି ଥାନାରେ ଲିଖିତ ଅଭିଯୋଗ କରିବା ପରେ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ଅନୁସନ୍ଧାନ ଆରମ୍ଭ କରିଛି।