ପୋଖରୀରେ ବୁଡ଼ି ଯୁବକ ମୃତ

ଯୋଡ଼ା: ଯୋଡ଼ା ଥାନା ବିଲେଇପଦା ଫାଣ୍ଡି ଅନ୍ତର୍ଗତ ଧୁବୁଲାବେଡ଼ା କାନପୁର  ବିସ୍ଥାପିତ କଲୋନୀଠାରେ ଜଣେ ଯୁବକ ପୋଖରୀରେ ବୁଡ଼ି ଯିବାରୁ ତାଙ୍କର ମୃତ୍ୟୁ ଘଟିଛି। ମୃତ ଯୁବକଙ୍କ ନାମ ସଞ୍ଜୀବ ମହାକୁଡ଼ (୨୫)। ଆଜି  ନିକଟସ୍ଥ ପୋଖରୀକୁ ଗାଧେଇବାକୁ  ଯାଇଥିଲେ।

ସେଠାରେ କୌଣସି କାରଣରୁ ସେ ପୋଖରୀରେ ବୁଡ଼ି ଯାଇଥିଲେ। ସୂଚନା ପାଇ ଅଗ୍ନିଶମ ବାହିନୀ ପହଞ୍ଚି ପୋଖରୀରୁ ଯୁବକକୁ ଉଦ୍ଧାର କରି ନିକଟସ୍ଥ ବାସୁଦେବପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ନେଇ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରିଛି।