ଟିଆର୍ଏଲ୍ କଲୋନିରେ ଯୁବକଙ୍କ ଆତ୍ମହତ୍ୟା
ବ୍ରାଜରାଜନଗର: ଝାରସୁଗୁଡ଼ା ଜିଲ୍ଲା ବେଲପାହାଡ଼ ଥାନା ଅନ୍ତର୍ଗତ ଟିଆର୍ଏଲ୍ କଲୋନିର କୁନାଲ ଗଡ଼ନୟକ (୧୯) ଶନିବାର ନିଜ ଘର ଭିତରେ ବେକରେ ରାଶି ଲଗାଇ ଆତ୍ମହତ୍ୟା କରିଛନ୍ତି। ଘଟଣାଟି ଆଜି ସକାଳ ସାଢେ ୮ଟାରେ ଘଟିଥିଲା। ସକାଳେ ହଠାତ୍ କୁନାଲ ନିଜ କୋଠରି ଭିତରକୁ ପଶି କବାଟ ବନ୍ଦ କରିଦେବାରୁ ତାଙ୍କ ମା’ଙ୍କ ସନ୍ଦେହ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ଡାକି ଡାକି ସେ କବାଟ ନ ଖୋଲିବାରୁ ବାପା ଆସି କବାଟ ଖୋଲିବା ପରେ କୁନାଲ ରାଶିରେ ଝୁଲୁଥିବା ଦେଖି ଚିକିତ୍ସା ପାଇଁ ଟିଆରଏଲ୍ ହସ୍ପିଟାଲ ନେଇଥିଲେ। ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୁଲିସ ହସ୍ପିଟାଲରେ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ଝାରସୁଗୁଡ଼ା ପଠାଇବା ସହ ତଦନ୍ତ ଜାରି ରଖିଛି।