ସାବଧାନ ! ମ୍ୟାଜିକ୍ ପେନ୍ ବ୍ୟବହାର କରି ଆକାଉଣ୍ଟ ଖାଲି କରି ଦେଉଛନ୍ତି ଏହି ଗ୍ୟାଙ୍ଗ, ଜାଣନ୍ତୁ ଏହି ପେନ୍ର କରାମତି
ଭୁବନେଶ୍ୱର: ମ୍ୟାଜିକ ପେନ୍ ସହାୟତାରେ ଅଭିନବ ଉପାୟରେ ଠକେଇ କରୁଥିବା ଏକ ଗ୍ୟାଙ୍ଗ ଏବେ ରାଜଧାନୀରେ ସକ୍ରିୟ ହୋଇଛି । ଏଭଳି ଅଭିଯୋଗ ମିଳିବା ପରେ ପୁଲିସର ମୁଣ୍ଡବିନ୍ଧାର କାରଣ ପାଲଟିଛି। ଦୀର୍ଘଦିନ ଧରି ସୁମ୍ବାଇ ଲୋକଙ୍କୁ ଚୁନା ଲଗାଇବା ପରେ, ସେହିଭଳି ରାଜଧାନୀରେ ଏକ ଗ୍ୟାଙ୍ଗ ଅପରେଟ୍ କରୁଛି । ଟିକିଏ ସାବଧାନ ନ ରହିଲେ ଆପଣଙ୍କ ଆକାଉଂଟରକୁ ଏମାନେ କଳାକନା ବୁଲାଇ ଦେବେ । ଲୋକଙ୍କୁ ଲୁଟିବା ପାଇଁ ଏମାନଙ୍କ ଦରକାର ପଡୁନି କିଛି ବି ଅସ୍ତ୍ରଶସ୍ତ୍ର, ମ୍ୟାଜିକ ପେନ୍ ଜରିଆରେ ଏହି ସ୍ମାର୍ଟ ଠକମାନେ ଆପଣଙ୍କ ଟଙ୍କା ନେଇ ଉଭାନ ହୋଇଯାଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ବ୍ୟାଙ୍କରେ ଲୋନ୍ ଦେବା ପାଇଁ ଇଚ୍ଛୁକ ବ୍ୟକ୍ତିଙ୍କୁ ଟାର୍ଗେଟ କରନ୍ତି ଏହି ଗ୍ୟାଙ୍ଗ । କମ୍ ସୁଧ ଏବଂ ଅଳ୍ପ ସମୟରେ ଅଧିକ ଟଙ୍କାର ଲୋନ୍ ଦେବେ ବୋଲି ପ୍ରତିଶୃତି ବି ଦିଅନ୍ତି । କୌଣସି ବ୍ୟକ୍ତି ରାଜି ହେବା ପରେ, ଏକ କ୍ୟାନସେଲ ଚେକ୍ ମାଗନ୍ତି ଏହି ଠକ ଗ୍ୟାଙ୍ଗ । ତେବେ ଚେକଟିକୁ ହାତରେ ପାଇବା ମାତ୍ରେ, ନିଜ ପାଖରେ ରଖିଥିବା ଏକ ମ୍ୟାଜିକ ପେନ୍ ଜରିଆରେ ଏହାକୁ କ୍ୟାନସଲ କରି ଦିଅନ୍ତି । ମ୍ୟାଜିକ ପେନରେ ଲେଖାଯାଇଥିବା ସମସ୍ତ ଅକ୍ଷର ଏବଂ ଗାରଗୁଡିକୁ ଲାଇଟର ସାହାଯ୍ୟରେ ଅତି ସହଜରେ ଲିଭାଇ ଦେଇ ପାରନ୍ତି ଏମାନେ । ଆଉ ଚେକରେ ଥିବା ଦସ୍ତଖତରୁ ଖାଲି କରି ଦିଅନ୍ତି ଆପଣଙ୍କ ଆକାଉଣ୍ଟ। ଏଭଳି ଏକ ଘଟଣା ଜଗନ୍ନାଥ ଗ୍ରାଫିକ୍ସ ମାଲିକଙ୍କ ସାଙ୍ଗରେ ଘଟିଛି।
ଗତ କିଛି ଦିନ ତଳେ ମୁମ୍ବାଇ ପୁଲିସ ଏହି ଭଳି ମ୍ୟାଜିକ ପେନ୍ ଗ୍ୟାଙ୍ଗକୁ ଗିରଫ କରିଥିଲା । ସେହି ଗ୍ୟାଙ୍ଗ ମୁମ୍ବାଇ ପରେ, ଏବେ ରାଜଧାନୀରେ ଲୋକଙ୍କୁ ଲୁଟିବାକୁ ଡେରା ପକାଇଥିବା ସନ୍ଦେହ କରାଯାଉଛି । ଏବେ ଏହି ମ୍ୟାଜିକ ପେନ୍ ଗ୍ୟାଙ୍ଗର ପର୍ଦାଫାଶ କରିବା କମିଶନରେଟ୍ ପୁଲିସ ପାଇଁ ଏକ ବଡ ଚ୍ୟାଲେଂଜ୍ ପାଲଟିଛି ।