ଜଳସ୍ତର ବୃଦ୍ଧି, ଆଜି ସନ୍ଧ୍ୟାରୁ ଖୋଲିବ ମନ୍ଦିରା ଡ୍ୟାମ ଗେଟ
ରାଉରକେଲା: ମୌସୁମୀ ଅବଧି ଶେଷ ହେବା ପରେ ମନ୍ଦିରା ଡ୍ୟାମର ସମସ୍ତ ସ୍ପିଲୱେ ଫାଟକ ସମ୍ପୂର୍ଣ୍ଣ ବନ୍ଦ କରାଯାଇଥିଲା। କିନ୍ତୁ ଗତ ୩ ଦିନ ଧରି ଉପରମୁଣ୍ଡରେ ଲଗାତାର ଅଦିନିଆ ଲଗାଣ ବର୍ଷା ଲାଗିରହିବା ହେତୁ ମନ୍ଦିରା ଡ୍ୟାମକୁ ବହୁ ପରିମାଣର ଜଳ ପ୍ରବାହିତ ହେଉଛି। ମନ୍ଦିରା ଡ୍ୟାମ ଜଳଭଣ୍ଡାର ସ୍ତର ଦ୍ରୁତ ଗତିରେ ବୃଦ୍ଧି ପାଉଛି ଏବଂ ଆଜି ରାତିରେ ପୂର୍ଣ୍ଣ ଜଳଭଣ୍ଡାର ସ୍ତରରେ ପହଞ୍ଚିବାର ସମ୍ଭାବନା ରହିଛି।
Sambad is now on WhatsApp
Join and get latest news updates delivered to you via WhatsApp
ତେଣୁ ଜଳଭଣ୍ଡାରର ସୁରକ୍ଷିତ ସ୍ତର ବଜାୟ ରଖିବା ପାଇଁ ଆଜି (୧୫.୧୧.୨୦୨୧) ସନ୍ଧ୍ୟାରେ ମନ୍ଦିରା ଡ୍ୟାମରେ ଆବଶ୍ୟକତା ଅନୁଯାୟୀ କିଛି ସ୍ପିଲୱେ ଗେଟ୍ ଖୋଲାଯିବ। ଜଳ ନିଷ୍କାସନ ପରେ ତଳିଆ (ଡାଉନଷ୍ଟ୍ରିମ) ଅଞ୍ଚଳରେ ଥିବା ଶଙ୍ଖ ଏବଂ ବ୍ରାହ୍ମଣୀ ନଦୀ ଜଳସ୍ତର ବୃଦ୍ଧି ପାଇବାର ସମ୍ଭାବନା ରହିଛି। ନଦୀ ପାର୍ଶ୍ଵବର୍ତ୍ତୀ ଅଞ୍ଚଳର ଲୋକଙ୍କୁ ସତର୍କ ରହିବାକୁ ଏବଂ ନଦୀ ଭିତରେ କୌଣସି କାର୍ଯ୍ୟଧାରା ନକରିବାକୁ ଆରଏସପି ପକ୍ଷରୁ ଅନୁରୋଧ କରାଯାଇଛି।