ରାଜ୍ୟସ୍ତରୀୟ ‘ଆମ୍ବ ମହୋତ୍ସବ’ ଜୁନ୍ ୧ରେ
ଭୁବନେଶ୍ବର : ଆସନ୍ତା ଜୁନ୍ ୧ରୁ ୫ ତାରିଖ ପର୍ଯ୍ୟନ୍ତ ରାଜ୍ୟ ଗ୍ରାମ୍ୟ ଉନ୍ନୟନ ପ୍ରତିଷ୍ଠାନ(ଏସ୍ଆଇଆର୍ଡି) ପରିସରରେ ରାଜ୍ୟସ୍ତରୀୟ ‘ଆମ୍ବ ମହୋତ୍ସବ-୨୦୧୯’ ଶୀର୍ଷକ ପ୍ରଦର୍ଶନୀ ତଥା ବିକ୍ରୟ କାର୍ଯ୍ୟକ୍ରମ ଅନୁଷ୍ଠିତ ହେବ। ଏଥିରେ ଓଡ଼ିଶାର ପୁରପଲ୍ଲୀରେ ଉତ୍ପାଦିତ ହେଉଥିବା ସଦ୍ୟ ସ୍ୱାଦିଷ୍ଟ କିସମର ବିଭିନ୍ନ ଦେଶୀ ଆମ୍ବ ମିଳିବ।
Sambad is now on WhatsApp
Join and get latest news updates delivered to you via WhatsApp
ପଞ୍ଚାୟତିରାଜ ଓ ପାନୀୟ ଜଳ ବିଭାଗ ଅଧୀନ ଓଡ଼ିଶା ଗ୍ରାମ୍ୟ ଉନ୍ନୟନ ଓ ବିପଣନ ସମିତି(ଓର୍ମାସ୍) ତଥା ଓଡ଼ିଶା ଜୀବିକା ମିସନ୍ର ମିଳିତ ଉଦ୍ୟମରେ ଏହାର ଆୟୋଜନ କରାଯାଉଛି। ଏଥିନିମନ୍ତେ ଏକ ପ୍ରସ୍ତୁତି ସଭା ଓର୍ମାସ୍ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ରାଜ୍ୟର ପ୍ରମୁଖ ଆମ୍ବ ଉତ୍ପାଦନକାରୀ ୮ଟି ଜିଲ୍ଲା ଯଥା: ଅନୁଗୁଳ, ରାୟଗଡ଼ା, ମୟୂରଭଞ୍ଜ, ସମ୍ବଲପୁର, ବଲାଙ୍ଗୀର, କୋରାପୁଟ, ଢେଙ୍କାନାଳ ଓ ଗଜପତିର ଜିଲ୍ଲାସ୍ତରୀୟ ଅଧିକାରୀ, ଉତ୍ପାଦକ କମ୍ପାନି, ଗୋଷ୍ଠୀଗୁଡ଼ିକର ପ୍ରତିନିଧିଗଣ ତଥା କର୍ମକର୍ତାମାନଙ୍କ ସହିତ ଓର୍ମାସ୍ର ଅତିରିକ୍ତ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସ୍ୱୟଂପ୍ରଭା ମହାନ୍ତି ଓ ଉପନିର୍ଦ୍ଦେଶକ(ବିପଣନ) ସୁଜୟ କର ଯୋଗ ଦେଇଥିଲେ।