ଫୁଲବାଣୀ: ଫୁଲବାଣୀ ସହର ପିଅନପଡାଠାରେ ଆଜି ସନ୍ଧ୍ୟାରେ ଘଟିଛି ଏକ ଅଭାବନୀୟ ଦୁଃଖଦ ଘଟଣା। ଏକ ଘର ଉପରେ ଆମ୍ବଗଛ ପଡିବାରୁ ଚାପି ହୋଇ ବୃଦ୍ଧା ଆଈର ମୃତ୍ୟୁ ହୋଇଥିବା ବେଳେ ୩ ବର୍ଷର ନାତୁଣୀ ଆହତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ପେଞ୍ଜିସାହିର ସୁକୁମଣି ବେହେରା(୭୦) ଝିଅ ଘର ପିଅନପଡାକୁ ଯାଇଥିଲେ। ଆଜି ସନ୍ଧ୍ୟାରେ ସେ ୩ ବର୍ଷର ନାତୁଣୀକୁ ଧରି ଘର ସମ୍ମୁଖରେ ଠିଆ ହୋଇଥିଲେ। ପାଖରେ ଥିବା ଏକ ଆମ୍ବଗଛ ଘର ଉପରେ ପଡିଥିଲା। ଏଥିରେ ସୁକୁମଣି ଓ ନାତୁଣି ଚାପି ହୋଇ ରହିଥିଲେ। ଖବର ପାଇଁ ପୁଲିସ ଓ ସ୍ଥାନୀୟ ଲୋକ ପହଞ୍ଚି କଟର ସାହାଯ୍ୟରେ ଗଛକୁ କାଟି ସୁକୁମଣି ଓ ନାତୁଣୀକୁ ବାହାର କରିଥିଲେ। ହେଲେ ସେତେବେଳକୁ ସୁକୁମଣିଙ୍କର ମୃତ୍ୟୁ ହୋଇ ଯାଇଥିଲା। ନାତୁଣୀ ଆହତ ହୋଇଥିବା ବେଳେ ତାକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଏହି ଦୁଃଖଦ ଘଟଣାରେ ସ୍ଥାନୀୟ ଅଞ୍ଚଳରେ ଶୋକରଛାୟା ଖେଳିଯାଇଛି। ଏ ନେଇ ଏକ ମାମଲା ରୁଜୁ କରାଯାଇଛି ବୋଲି ଫୁଲବାଣୀ ଟାଉନ ଥାନାଧିକାରୀ ସୁଶାନ୍ତ କୁମାର ସେଠୀ କହିଛନ୍ତି।