ରାଇରଙ୍ଗପୁରେ ବିଜେଡିର ମିଶ୍ରଣ ପର୍ବ: ବିଜେପିର ବହୁ ନେତା ଓ କର୍ମୀ ହେଲେ ସାମିଲ

ରାଇରଙ୍ଗପୁର: ମୟୂରଭଂଜ ଜିଲ୍ଲା ରାଇରଙ୍ଗପୁରସ୍ଥ ବିଜେଡି କାର୍ଯ୍ୟଳୟ ପାର୍ଶ୍ବରେ ବିଜୁ ଜନତା ଦଳର ମିଶ୍ରଣ ପର୍ବ ଦଳର ମୟୂରଭଂଜ-୨ର ସଭାପତି କାଶିନାଥ ହେମ୍ବ୍ରମଙ୍କ ନେତୃତ୍ବରେ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ବିଜେଡି ମୟୂରଭଂଜ-୨ର ଜିଲ୍ଲା ଯୁବ ସଭାପତି ତଥା ରାଇରଙ୍ଗପୁର ପୌରପରିଷଦର ପୌରାଧକ୍ଷ ଅଭିଷେକ ପଟ୍ଟନାୟକ, ପୂର୍ବତନ ବିଧାୟ ସାଇବା ସୁଶିଲ କୁମାର ହାଁସଦାଃ, ନଗର ସଭାପତି ପ୍ରଭାତ ପଟ୍ଟନାୟକ(ବୁଲୁ), ୱାର୍ଡ କାଉନସିଲର ଶୁକଦେବ ବେହେରା, ଗଣେଶ ମିଶ୍ର ପ୍ରମୁଖ ପରିଚାଳନା କରିଥିଲେ।

ରାଇରଙ୍ଗପୁର ପର୍ଯ୍ୟବେକ୍ଷକ ସୁନ୍ଦରଗଡର ପୂର୍ବତନ ବିଧାୟକ ଯୋଗେଶ ସିଂ ଉପସ୍ଥିତ ରହି ଆସନ୍ତା ସାଧାରଣ ନିର୍ବାଚନରେ ରାଇରଙ୍ଗପୁର ବିଧାୟକ ପ୍ରାର୍ଥୀ ରାଇସେନ ମୁର୍ମୁ ଓ ଲୋକସଭା ପ୍ରାର୍ଥୀ ସୁଦାମ ମାରାଣ୍ଡି କିପରି ବଜୟୀ ହେବେ ସେ ନେଇ ବ୍ୟକ୍ତବ ରଖିବା ସହିତ ଉପସ୍ଥିତ କର୍ମୀମାନଙ୍କୁ ଗୁରୁମନ୍ତ୍ର ଦେଇଥିଲେ। ଏହି ଅବସରରେ ବିଜେପିର ଏସଟି ମୋର୍ଚ୍ଚାର ଜିଲ୍ଲା ଉପସଭାପତି ତଥା ସୁର୍ମିଧୂର୍ମି ୱେଲଫାୟାର କମିଟିର ପ୍ରତିଷ୍ଠାତା ତଥା ସଭାପତି, ଓଡ଼ିଶା ରାଜ୍ୟ ବେଶ୍ରା ଗାଦେଲର ସାଧାରଣ ସମ୍ପାଦକ ଗୋପାଲ ଚନ୍ଦ୍ର ବେଶ୍ରା ବିଜେପି ଛାଡି ବିଜେଡିରେ ଯୋଗ ଦେଇଛନ୍ତି।

ସୂଚନାଯୋଗ୍ୟ ଯେ ସେ ପୂର୍ବରୁ ବିଜେଡିରେ ଥିଲେ ପରେ ବିଜେପିରେ ଯୋଗଦେଇଥିଲେ। କିଛିଦିନ ପୂର୍ବରୁ ସେ ବିଜେପି ଛାଡ଼ି ବିଜେଡିକୁ ଘର ବାହୁଡ଼ିଛନ୍ତି। ଶ୍ରୀ ବେଶ୍ରାଙ୍କ ସମେତ ପୁରୁଣାପାଣି ଓ ସାନଚମ୍ପାଉଦା ଗ୍ରାମପଂଚାୟତର ବିଜେପି କର୍ମୀ ମୁନା ମହାନ୍ତ, ବିରାମ ନାଏକ, ରୂପେଶ ମହାନ୍ତ, ସ୍ମୃତିରଞନ ପତି, ସୌମ୍ୟରଞନ ପତି, ମନୋରଂଜନ ମହାନ୍ତ, ନିହାର ମହାନ୍ତ, ପ୍ରଧାନ ମାହାଲି, ମାଧା ମାହାଲି, ସୁମିତ ବେଶ୍ରା, ରଘୁନାଥ ମାହାଲିଙ୍କ ସମେତ ବହୁ କର୍ମୀ ଉପସ୍ଥିତ ଥିଲେ। ଶତାଧିକ କର୍ମୀ ବିଜେଡ଼ିରେ ଯୋଗଦେଇଥିଲେ। ବିଜେଡ଼ିରେ ଯୋଗ ଦେଇଥିବା ସମସ୍ତ କର୍ମୀଙ୍କୁ ଦଳୀୟ ଉତ୍ତରୀୟ ଦେଇ ସମର୍ଦ୍ଧିତ କରିଥିଲେ।