କଲ୍ୟାଣସିଂହପୁର ତହସିଲ୍ ଅଫିସ୍ରେ ମାଓ ପୋଷ୍ଟର୍
ରାୟଗଡ଼ା: ଆଜି କଲ୍ୟାଣସିଂହପୁର ତହସିଲ୍ ଅଫିସ୍ରେ ମାଓବାଦୀମାନେ ପୁଣି ଦୁଇଟି ପୋଷ୍ଟର୍ ମାରିଥିବାର ଦେଖାଯାଇଛି। ରାୟଗଡ଼ା ଏରିଆ କମିଟିର ସିପିଆଇ ମାଓନେତା ଏହି ପୋଷ୍ଟର୍ ମାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ନିୟମଗିରି ଅଞ୍ଚଳରେ ପୁଲିସ ଇନ୍ଫର୍ମର୍ ନ ରଖିବା ଏବଂ କୁମ୍ବିଂ ଅପରେସନ୍ ବନ୍ଦ କରାଇବା କଥା ଏହି ପୋଷ୍ଟର୍ରେ ଉଲ୍ଲେଖ ଅଛି। ଗୁଇନ୍ଦା ବିଭାଗରେ ନକ୍ସଲ୍ ବିରୋଧରେ କାମ କରୁଥିବା ସୁରେଶ କୁମାର ବଳ ଓ ଅଜିତ ପାଢ଼ୀ, ରାଜୁ ଗୌଡ଼ଙ୍କୁ ସତର୍କ ରହିବାକୁ ନିର୍ଦେଶ ଦିଆଯାଇଛି। ହାଟ ଦହିଖାଲ ଅଞ୍ଚଳରେ ସିଆର୍ପିଏଫ୍ କ୍ୟାମ୍ପ୍ ନିର୍ମାଣକୁ ମଧ୍ୟ ଏଥିରେ ବିରୋଧ କରାଯାଇଛି। ଚାଷୀଙ୍କୁ ଋଣ ଛାଡ଼ କରିବା, ବେଦାନ୍ତ କମ୍ପାନିକୁ ହଟାଇବା, ନିୟମଗିରି ଅଞ୍ଚଳରେ ଠିକାଦାର ଓ ଦଲାଲଙ୍କୁ ରାସ୍ତାଘାଟ ନିର୍ମାଣ କାମ ବନ୍ଦ ରଖିବାକୁ ଏହି ପୋଷ୍ଟର୍ରେ କୁହାଯାଇଛି। ପୁଲିସ ଏହି ପୋଷ୍ଟର୍କୁ କାଢ଼ି ନେଇ ଯାଇଛି।
କଦମ୍ବଦ୍ୱାର ସାହି ଅଙ୍ଗନବାଡ଼ି କେନ୍ଦ୍ର ଏବଂ ସାଇ ନଗର ଛକରେ ମଧ୍ୟ ଦୁଇଟି ମାଓ ପୋଷ୍ଟର୍ ଲାଗିଛି।