୩ ମେଡିକାଲ କଲେଜର ଟିଚିଂ ହସ୍ପିଟାଲ ପାଇଁ ମାଷ୍ଟର ପ୍ଲାନ୍
ଭୁବନେଶ୍ବର : ରାଜ୍ୟର ୩ଟି ମେଡିକାଲ କଲେଜର ଟିଚିଂ ହସ୍ପିଟାଲ ପାଇଁ ଏକ ମାଷ୍ଟର ପ୍ଲାନ୍ ପ୍ରସ୍ତୁତ ହୋଇଛି। ୩ଟି ଟିଚିଂ ହସ୍ପିଟାଲରେ ସମୁଦାୟ ୬୫୦ ଶଯ୍ୟା ରହିଛି। ଚିଟିଂ ହସ୍ପିଟାଲ ନିର୍ମାଣ କେଉଁ ସ୍ଥାନରେ ହେବ ଓ ଏଥିପାଇଁ କେଉଁ ଗୃହର ସ୍ଥାନାନ୍ତରଣ ହେବ ତାହା ସଂପର୍କରେ ଏକ ସଂଶୋଧିତ ପ୍ଲାନ୍ ମୁଖ୍ୟମନ୍ତ୍ରୀ(ବିଲ୍ଡିଂ)ଙ୍କ ଦ୍ବାରା ପ୍ରସ୍ତୁତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ବାରିପଦାରେ ହେବାକୁ ଥିବା ଟିଚିଂ ହସ୍ପିଟାଲର କ୍ୟାନସର ୱିଙ୍ଗ୍ ପାଇଁ ଏକ ନିର୍ଦ୍ଦିଷ୍ଟ ପ୍ରବେଶ ଓ ପ୍ରସ୍ଥାନ ପଥ ରଖିବା ପାଇଁ ନିଷ୍ପତ୍ତି ହୋଇଛି। ତଳ ମହଲାରେ ଆହାର କେନ୍ଦ୍ର ଓ ଉପର ମହଲାରେ ଆଟେଣ୍ଡାଣ୍ଟଙ୍କ ବିଶ୍ରାମ ସ୍ଥାନ, ପ୍ରବେଶ ସ୍ଥାନରେ ବାଣିଜ୍ୟିକ କମ୍ପ୍ଲେକ୍ସକୁ ମିନି ମାର୍କେଟ୍ କରାଯିବ। ସେହିପରି ବାଲେଶ୍ବର ଟିଚିଂ ହସ୍ପିଟାଲ ପାଇଁ କ୍ୟାନସର ହସ୍ପିଟାଲକୁ ଅନ୍ୟତ୍ର ସ୍ଥାନାନ୍ତରଣ ଓ ସଂଶୋଧନ କରାଯାଇଛି। ଆଚାର୍ଯ୍ୟ ହରିହର କର୍କଟ କେନ୍ଦ୍ରର ନିର୍ଦେଶକ ଡା. ଏଲ.ଏନ୍ ଷଡ଼ଙ୍ଗୀ କହିଛନ୍ତି, ଏସବୁ ଟିଚିଂ ହସ୍ପିଟାଲରେ ରେଡିଓଥେରାପି ୟୁନିଟ୍ ଖୋଲାଯିବ। ପ୍ରାଥମିକ ପର୍ଯ୍ୟାୟରେ ରେଜିଓଥେରାପି ଓ କେମୋ ଚିକିତ୍ସା ଆରମ୍ଭ ହେବ। ପରବର୍ତୀ ସମୟରେ ସର୍ଜରିର ବ୍ୟବସ୍ଥା କରିବା ଲାଗି ମଧ୍ୟ ପ୍ଲାନ୍ରେ ନିଷ୍ପତ୍ତି ହୋଇଛି। ଧୀରେ ଧୀରେ ଏସବୁ ବ୍ୟବସ୍ଥା ଆରମ୍ଭ ହେବ ବୋଲି ଡା.ଷଡ଼ଙ୍ଗୀ ସୂଚନା ଦେଇଛନ୍ତି।