ଭୁବନେଶ୍ବର: ମାଟ୍ରିକ ଖାତା ମୂଲ୍ୟାୟନ ସଂପର୍କରେ ସୂଚନା ଦେଇଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ । ସେ କହିଛନ୍ତି, ଲକଡାଉନ୍ ପରେ ଖୁବଶୀଘ୍ର ମାଟ୍ରିକ ଖାତା ଦେଖା ଆରମ୍ଭ ହେବ । ଲକଡାଉନ ଅବଧି ସରିବାର ୭ ଦିନ ଭିତରେ ମାଟ୍ରିକ ପିଲାଙ୍କ ଖାତା ଦେଖା ହେବ । ଖାତା ଦେଖା ନେଇ ସରକାରଙ୍କ ପକ୍ଷରୁ ସବୁଜ ସଙ୍କେତ ମିଳିସାରିଛି । ମାଟ୍ରିକ ଖାତା ଦେଖା ଯୁଦ୍ଧକାଳୀନ ଭିତ୍ତିରେ କରାଯିବା ନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ଗଣମାଧ୍ୟମକୁ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡ କଥା ହେଉଛି ୪୫ ଦିନ ଭିତରେ ଖାତା ଦେଖା ସରିବ ଆଉ ସଙ୍ଗେ ସଙ୍ଗେ ଫଳ ପ୍ରକାଶ ପାଇବ। ଖାତା ଦେଖିବା ପାଇଁ ଅଧିକ ଶିକ୍ଷକ ନିଯୁକ୍ତ ହେବେ । ଯେଉଁ ଶିକ୍ଷକମାନଙ୍କ ନାମ ପରୀକ୍ଷକ ତାଲିକାର ୱେଟିଂ ଲିଷ୍ଟରେ ଅଛି ସେମାନଙ୍କୁ ନିୟୋଜିତ କରାଯିବ। ଶୀଘ୍ର ଖାତା ଦେଖାଯାଇ କେମିତି ଶୀଘ୍ର ଫଳ ପ୍ରକାଶ ହେବ ସେଥିଲାଗି ବୋର୍ଡ ପ୍ରସ୍ତୁତ ଅଛି । ତେବେ ଗୁରୁତ୍ୱପୂର୍ଣ୍ଣ କଥା ହେଉଛି ସଂକ୍ରମଣ ରୋକିବାକୁ ଖାତାଦେଖା ସମୟରେ ବି ସାମାଜିକ ଦୂରତା ବଜାୟ ରହିବ ବୋଲି ମନ୍ତ୍ରୀ କହିଛନ୍ତି ।