ଭୁବନେଶ୍ୱର: ଅନୁଗୁଳ ଜିଲ୍ଲାର ତାଳଚେରସ୍ଥିତ ଭରତପୁର କୋଇଲା ଖଣିରେ ମୃତ୍ୟୁ ହୋଇଥିବା ଶ୍ରମିକଙ୍କ ପରିବାରକୁ ମହାନଦୀ କୋଲଫିଲ୍ଡସ୍ ଲିମିଟେଡ (ଏମ୍ସିଏଲ) ପକ୍ଷରୁ ମଙ୍ଗଳବାର ଅନୁକମ୍ପା ରାଶି ଘୋଷଣା କରାଯାଇଛି। ଗତ ଜୁଲାଇ ୨୩ରେ ମୃତ ୪ ଜଣ ଶ୍ରମିକଙ୍କ ପରିବାରକୁ ଏମ୍ସିଏଲ ୩୦-୩୦ ଲକ୍ଷ ଟଙ୍କା ଅନୁକମ୍ପା ରାଶି ଓ ଜଣ ଲେଖାଏଁ ସଦସ୍ୟଙ୍କୁ ଠିକା ନିଯୁକ୍ତି ଦେବ। ସୂଚନାଯୋଗ୍ୟ ଏହି ଦୁର୍ଘଟଣାରେ ଆହୁରି ୯ ଜଣ ଶ୍ରମିକ ଆହତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
କୋଇଲା ଖଣିରେ ଦୁର୍ଘଟଣା ପରେ ସ୍ଥାନୀୟ ଲୋକେ ସୁରକ୍ଷା ପ୍ରସଙ୍ଗ ଉଠାଇ ଜୁଲାଇ ୨୪ ଠାରୁ ଧର୍ମଘଟ କରି ଆସୁଥିଲେ। ଆନ୍ଦୋଳନକାରୀମାନେ ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରି ଧାରଣାରେ ବସିଥିଲେ। ଜିଲ୍ଲାପାଳ ଓ ଏମ୍ସିଏଲ୍ କର୍ତ୍ତୃପକ୍ଷଙ୍କ ମଧ୍ୟରେ ଆଜି ବୈଠକ ପରେ ଧାରଣା ବନ୍ଦ ରହିଛି।