ଲାଞ୍ଚ ନେଇ ଧରାପଡ଼ିଲେ ମେଡିକାଲ ସେକ୍ସନ ଅଫିସର୍
ସମ୍ବଲପୁର : ବକେୟା ଦରମା ପ୍ରଦାନ ପାଇଁ ୧୦ ହଜାର ଟଙ୍କା ଲାଞ୍ଚ ନେଲାବେଳେ ସମ୍ବଲପୁର ଜିଲ୍ଲା ମୁଖ୍ୟ ଚିକିତ୍ସାଳୟର ସେକ୍ସନ ଅଫିସର୍ ମନୋରଂଜନ ପ୍ରଧାନ ଭିଜିଲାନ୍ସ ହାତରେ ଧରାପଡ଼ିଛନ୍ତି।
Sambad is now on WhatsApp
Join and get latest news updates delivered to you via WhatsApp
ତାଙ୍କ କାର୍ଯ୍ୟାଳୟର ଜଣେ କର୍ମଚାରୀଙ୍କର ଦରମା ବାବଦ କିଛି ବକେୟା ଟଙ୍କା ପାଇବାର ଥିଲା। ଏହି ବିଲ୍ ପାସ୍ କରିବା ପାଇଁ ଶ୍ରୀ ପ୍ରଧାନ ୧୦ ହଜାର ଟଙ୍କା ଲାଞ୍ଚ ଦାବି କରିଥିଲେ। ଏହାପରେ କର୍ମଚାରୀ ଜଣକ ଭିଜିଲାନ୍ସର ଦ୍ବାରସ୍ଥ ହୋଇଥିଲେ। ଯୋଜନା ମୁତାବକ ଗୁରୁବାର ଉକ୍ତ କର୍ମଚାରୀଙ୍କଠାରୁ ରସାୟନିକ ପ୍ରଲେପ ବୋଳା ୧୦ ହଜାର ଟଙ୍କାର ନୋଟ୍ ନେବା ପରେ ଭିଜିଲାନ୍ସ ଟିମ ଶ୍ରୀ ପ୍ରଧାନଙ୍କୁ କାବୁ କରି ତାଙ୍କଠାରୁ ସମସ୍ତ ଟଙ୍କା ଉଦ୍ଧାର କରିଥିଲା। ତାଙ୍କ ବିରୋଧରେ ସମ୍ବଲପୁର ଭିଜିଲାନ୍ସ ଥାନାରେ ଦୁର୍ନୀତି ନିବାରଣ ଆଇନ୍ ୨୦୧୮ ଧାରା ୭ (ସଂଶୋଧିତ)ରେ କେସ୍ ନମ୍ବର ୩୪, ତା. ୧୧.୧୧.୨୦୨୧ ରୁଜୁ ହୋଇ କୋର୍ଟ ଚାଲାଣ କରାଯାଇଛି। ଶ୍ରୀ ପ୍ରଧାନଙ୍କ ୩ଟି ସମ୍ପତ୍ତି ଉପରେ ସମାନ୍ତରାଳ ଚଢ଼ଉ କରି ତଲାସି କରାଯାଇଛି।