୨୨ରେ ମିଳିତ ବିଦ୍ୟାଳୟ ପାଚିକା ସହାୟିକ‌ା ସଂଘର ବିକ୍ଷୋଭ

ଭୁବନେଶ୍ବର : ଆସନ୍ତା ୨୨ତାରିଖରେ ସଚିବାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବ ଓଡ଼ିଶା ମିଳିତ ବିଦ୍ୟାଳୟ-ପାଚିକା ସହାୟିକା ସଂଘ। ପାଚିକା-ସହାୟିକାଙ୍କ ପାରିଶ୍ରମିକ ବୃଦ୍ଧି ସହିତ ୭ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇବ ବୋଲି ସଂଘ ସୂଚନା ଦେଇଛି।

ଆଜି ଗୋଦାବରୀଶ ସାହିତ୍ୟ ସଂସଦରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସଂଘର ସଭାପତି ବିଷ୍ଣୁ ଦାସ କହିଲେ, ଚଳିତବର୍ଷ ଜାନୁଆରି ମାସରେ ପାଚିକା-ସହାୟିକାଙ୍କୁ ୨ହଜାର ଟଙ୍କା ଦେବା ପରିବର୍ତେ ୧୪ଶହ ଟଙ୍କା ଦିଆଯାଉଛି। ବଳକା ୬ଶହ ଟଙ୍କା ସଂପର୍କରେ ରାଜ୍ୟ ସରକାର କୌଣସି ପଦକ୍ଷେପ ନେଉ ନାହାନ୍ତି। ସରକାର ବାରମ୍ବାର ନୀତି ପରିବର୍ତନ କରିବା ଫଳରେ ଛଟେଇ ହୋଇଥିବା ପାଚିକା-ସହାୟିକାମାନଙ୍କର ପୁନଃନିଯୁକ୍ତି ସମ୍ଭବ ‌େହଉନାହିଁ। ପାଚିକା-ସହାୟିକାଙ୍କୁ ଛୁଟି ପ୍ରଦାନ, ଅବସରକାଳୀନ ପେନସନ୍ ପ୍ରଦାନ, ଆକ୍ରୋଶମୂଳକ ଛଟେଇ ବନ୍ଦ ଓ କାମରୁ ଛଟେଇ ହୋଇଥିବା ତୁରନ୍ତ ନିଯୁକ୍ତି ପ୍ରଦାନ କରିବାକୁ ସଂଘ ପକ୍ଷରୁ ଦାବି ହୋଇଛି। ସାମ୍ବାଦିକ ସମ୍ମିଳନୀରେ ପ୍ରଦୀପ୍ତ ରାମ, ରାଜକିଶୋର ମଲ୍ଲିକ ଓ ବିଜୟାଲକ୍ଷ୍ମୀ ପାତ୍ର ପ୍ରମୁଖ ଉପସ୍ଥିତ ଥିଲେ।

ସମ୍ବନ୍ଧିତ ଖବର