ଉତ୍କଳ ବିଶ୍ୱବିଦ୍ୟାଳୟରେ ମିଲେଟ୍ ଫୁଡ୍ ଫେଷ୍ଟିଭାଲ୍

ଭୁବନେଶ୍ବର: ୨୦୨୩ ମସିହାକୁ ସାରା ବିଶ୍ବରେ ଅନ୍ତର୍ଜାତୀୟ ମିଲେଟ୍ ବର୍ଷ ଭାବେ ପାଳନ ହେଉଛି। ଏହି ଅବସରରେ ଉତ୍କଳ ବିଶ୍ୱବିଦ୍ୟାଳୟର ବିଜ୍‌ନେସ୍‌ ଆଡମିନିଷ୍ଟେସନ ବିଭାଗ ପକ୍ଷରୁ ୩ ଦିନିଆ ମିଲେଟ୍‌ ଫୁଡ୍ ଫେଷ୍ଟିଭାଲ୍ ‘ମିଲେଟ୍ ମିର୍ଚି ମସଲା’ ଅନୁଷ୍ଠିତ ହୋଇଯାଇଛି। ସେଣ୍ଟର୍‌ ଅଫ୍‌ ଏଗ୍ରି ମ୍ୟାନେଜମେଣ୍ଟ ପକ୍ଷରୁ ଆୟୋଜିତ ଏହି ଫେଷ୍ଟିଭାଲ୍‌କୁ ଉତ୍କଳ ବିଶ୍ୱବିଦ୍ୟାଳୟ କୁଳପତି ପ୍ରଫେସର ସବିତା ଆଚାର୍ଯ୍ୟ ଉଦ୍‌ଘାଟନ କରିଥିଲେ।

ଏମ୍‌ବିଏ (ଏଗ୍ରିକଲଚର), ଏମ୍‌ବିଏ (ରେଗୁଲାର) ଓ ଇଣ୍ଟିଗ୍ରେଟେଡ୍ ଏମ୍‌ବିଏ ଛାତ୍ରଛାତ୍ରୀଙ୍କ ସକ୍ରିୟ ଅଂଶଗ୍ରହଣ ଦ୍ବାରା ୧୦ଟି ଷ୍ଟଲରେ ମିଲେଟ୍‌ ଆଧାରିତ ଏକାଧିକ ଖାଦ୍ୟ ସାମଗ୍ରୀ ପ୍ରଦର୍ଶିତ ହୋଇଥିଲା। ମିଲେଟ୍‌ରେ ପ୍ରସ୍ତୁତ ବେ‌କେରି ଓ ଚାଇନିଜ୍ ସାମଗ୍ରୀ, ଦକ୍ଷିଣ ଭାରତୀୟ ଖାଦ୍ୟ, ଓଡ଼ିଆ ଖାଦ୍ୟ ପ୍ରସ୍ତୁତ ହୋଇଥିଲା। ବିଭିନ୍ନ ବିଷୟବସ୍ତୁକୁ ନେଇ ପ୍ରତିବର୍ଷ କ୍ୟା‌ମ୍ପସରେ ଖାଦ୍ୟ ମହୋତ୍ସବ ଆୟୋଜନ କରିବାକୁ ଲକ୍ଷ୍ୟ ରଖାଯାଇଥିବା ଏଗ୍ରି ବିଜନେସ୍‌ ମ୍ୟାନେଜ୍‌ମେଣ୍ଟ ମୁଖ୍ୟ ଦୀପକ ରାମ୍‌ କହିଛନ୍ତି।