ସମ୍ବଲପୁର: ସମ୍ବଲପୁର ଆର୍ପିଏଫ୍ ପକ୍ଷରୁ ବିଶାଖାପାଟନମ୍-ଅମ୍ରିତସର୍ ହୀରାକୁଦ ଏକ୍ସପ୍ରେସ୍ରୁ ଲକ୍ଷାଧିକ ଟଙ୍କାର ଗଞ୍ଜେଇ ଜବତ ହୋଇଛି। ବିଶ୍ବସ୍ତ ସୂତ୍ରରୁ ସୂଚନା ପାଇ ଶନିବାର ଦିନ ଆର୍ପିଏଫ୍ ପକ୍ଷରୁ ସିଏଚ୍. ନିହାରିକା ଓ ଏସ.ପି. ଦୁବେଙ୍କ ନେତୃତ୍ବରେ ସମ୍ବଲପୁର ରେଳ ଷ୍ଟେସନ୍ରେ ଚଢ଼ଉ କରାଯାଇଥିଲା। ହୀରାକୁଦ ଏକ୍ସପ୍ରେସର ଜେନେରାଲ୍ କମ୍ପାର୍ଟମେଣ୍ଟରେ ୨ ଜଣ ଯୁବକ ଗଞ୍ଜେଇ ଚାଲାଣ କରୁଥିବା ନେଇ ଏସ୍ଆଇ କେ.ସି. ଉଦୟଭାନୁ ସୂଚନା ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଟ୍ରେନ୍ଟି ୧୨ଟା ୪୬ ସମୟରେ ସମ୍ବଲପୁର ରେଳ ଷ୍ଟେସନର ପ୍ଲାଟ୍ପର୍ମ ନଂ-୧ରେ ପହଞ୍ଚିବା ପରେ ସ୍ବତନ୍ତ୍ର ଟିମ୍ ଉକ୍ତ ବଗିକୁ ଯାଞ୍ଚ କରିଥିଲା। ଯାଞ୍ଚ ବେଳେ ୨ ଅଭିଯୁକ୍ତ ବଲାଙ୍ଗୀର ଟାଉନ୍ ଥାନା ଅଞ୍ଚଳର ରାଜେଶ୍ ଦାସ(୧୯) ଓ ବୌଦ୍ଧ ଥାନା ଅଞ୍ଚଳର ସୁଶାନ୍ତ ଭୁକ୍ତାଙ୍କ ପାଖରୁ ଗଞ୍ଜେଇ ଭର୍ତ୍ତି ଥିବା ୨ଟି ବ୍ୟାଗ୍ ମିଳିଥିଲା। ଉକ୍ତ ୨ ବ୍ୟାଗ୍ରୁ ମୋଟ ୧୧ କେଜି ଗଞ୍ଜେଇ ଜବତ କରିବା ସହ ୨ ଅଭିଯୁକ୍ତଙ୍କୁ ଗିରଫ କରାଯାଇଥିଲା। ଯାହାର ଆନୁମାନିକ ମୂଲ୍ୟ ୧ ଲକ୍ଷ ୧୦ ହଜାର ଟଙ୍କା ହେବ ବୋଲି ଆର୍ପିଏଫ୍ ପକ୍ଷରୁ କହାଯାଇଛି।