କରଂଜେଇ ମନ୍ଦିରରୁ ଲକ୍ଷାଧିକ ଟଙ୍କାର ଅଳଙ୍କାର ଚୋରି
ଧର୍ମଶାଳା: ଧର୍ମଶାଳା ଥାନା ଚୋରମୁହାଁ ପଞ୍ଚାୟତ ବଳମଙ୍ଗଳପୁର ଗ୍ରାମଦେବତୀ କରଞ୍ଜେଇ ମନ୍ଦିରରୁ ଶନିବାର ରାତିରେ ଲକ୍ଷାଧିକ ଟଙ୍କା ମୂଲ୍ୟର ଅଳଙ୍କାର ଚୋରି ହୋଇଯାଇଛି। ଏହା ଜଣାପଡ଼ିବା ପରେ ପୂଜକ ସଞ୍ଜୀବ କୁମାର ପଣ୍ତା ଓ ଦେବେନ୍ଦ୍ର କର ଥାନାରେ ଏତଲା ଦେଇଛନ୍ତି। ପୁଲିସ୍ ଘଟଣାର ତଦନ୍ତ ଆରମ୍ଭ କରିଥିଲେ ହେଁ ଲୁଟେରାଙ୍କ ସଂପର୍କରେ କୌଣସି ସୁରାକ୍ ମିଳିନାହିଁ।
ଦୁର୍ବୃତ୍ତମାନେ ଗତକାଲି ବିଳମ୍ବିତ ରାତିରେ କରଞ୍ଜେଇ ମନ୍ଦିର ତାଲା ଭାଙ୍ଗି ମା’ଙ୍କ ୨ଟି ରୂପା ମୁକୁଟ, ୧୦ଟି ସୁନା ଓ ରୁପା ଚିତା, ମଙ୍ଗଳସୂତ୍ର, ନିକଟରେ ଥିବା ଶ୍ରୀ ଗଣେଶଙ୍କ ରୁପା ମୁକୁଟ, ପଇତା, ତ୍ରିଶୂଳ ଚିତା ଓ ମୁକ୍ତେଶ୍ବର ମହାଦେବଙ୍କ ରୂପା ଛତ୍ରୀଗୁଡ଼ିକୁ ଲୁଟି ନେଇଛନ୍ତି। ଆଜି ସକାଳେ ପୂଜକଦ୍ବୟ ମନ୍ଦିରରେ ପହଞ୍ଚି ୩ ଦେବଦେବୀଙ୍କ ସମସ୍ତ ମୂଲ୍ୟବାନ ଅଳଙ୍କାର ଲୁଟିନେବା ସହିତ ବିଭିନ୍ନ ପୂଜାସାମଗ୍ରୀ ଫିଙ୍ଗା ଫୋପଡ଼ା କରିଛନ୍ତି। ଏ ସଂପର୍କରେ ଗ୍ରାମବାସୀଙ୍କୁ ଅବଗତ କରାଗଲା ପରେ ଥାନାରେ ଏତଲା ଦିଆଯାଇଛି।
