ସଚିବାଳୟରେ ପତ୍ନୀଙ୍କ ସହ ଗ୍ରହଶାନ୍ତି ପୂଜା କଲେ ବାଣିଜ୍ୟ ମନ୍ତ୍ରୀ ପଦ୍ମନାଭ ବେହେରା
ଭୁବନେଶ୍ବର: ବାଣିଜ୍ୟ ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ସଚିବାଳୟସ୍ଥିତ ନିଜର ନୂତନ କାର୍ଯ୍ୟାଳୟରେ ଗ୍ରହଶାନ୍ତି ପୂଜା କରିଛନ୍ତି । ସଚ୍ଚିବାଳୟରେ ନିଜ ବିଭାଗ ପରିସରରେ ପରିବାର ସହ ଗ୍ରହଶାନ୍ତି ପୂଜା କରି ଚର୍ଚ୍ଚାର ପରିସରକୁ ଆସିଛନ୍ତି ମନ୍ତ୍ରୀ ପଦ୍ମନାଭ ବେହେରା । ବୀରମହାରାଜପୁରରେ ବିଧାୟକ ଶ୍ରୀ ବେହେରା ଏଥି ପୂର୍ବରୁ ଦୁଇ ଦୁଇ ଥର ମନ୍ତ୍ରୀ ହୋଇ ସାରିଛନ୍ତି। ୧୯୯୦-୯୪ ଏବଂ ୨୦୦୪-୦୬ ମଧ୍ୟରେ ମନ୍ତ୍ରୀ ରହି ସାରିଛନ୍ତି ସେ । ଓଡ଼ିଶା ରାଜନୀତିର ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ମନ୍ତ୍ରିମଣ୍ଡଳରେ ସେ ମନ୍ତ୍ରୀ ରହିବା ସହ ନବୀନ ପଟ୍ଟନାୟକଙ୍କ ମନ୍ତ୍ରିମଣ୍ଡଳରେ ମଧ୍ୟ ସ୍ଥାନ ପାଇ ସାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଚଳିତ ଥରକୁ ମିଶାଇ ୫ ଥର ବିଧାନସଭାକୁ ନିର୍ବାଚିତ ହୋଇଛନ୍ତି । ପ୍ରଥମେ ସେ ଜନତା ଦଳ ଟିକେଟରେ ଫୁଲବାଣୀ ବିଧାନସଭାରୁ ବିଧାନସଭାକୁ ଆସିଥିଲେ । ପରେ ସେ ବିଜୁ ଜନତା ଦଳ ଟିକେଟରୁ ଫୁଲବାଣୀରୁ ତ୍ରୟୋଦଶ ବିଧାନସଭାକୁ ଓ ପରେ ବୀରମହାରାଜପୁର ବିଧାନସଭା ଆସନରୁ ବିଧାନସଭାକୁ ନିର୍ବାଚିତ ହୋଇଆସୁଛନ୍ତି । ତେବେ ମନ୍ତ୍ରୀ ପଦ ପାଇବା ପରେ ନିଜ ବିଭାଗରେ ପୂଜାପାଠ ଓ ହୋମଯଜ୍ଞ କରିବା ଚର୍ଚ୍ଚାର ବିଷୟ ହୋଇଛି ।