ରାଉରକେଲାରେ ଜଣେ ନାବାଳିକା ଗଣଦୁଷ୍କର୍ମର ଶିକାର, ଥାନାରେ ୩ ଅଟକ
ରାଉରକେଲା: ପୁଣି ରାଉରକେଲାରେ ଜଣେ ନାବାଳିକା ଗଣଦୁଷ୍କର୍ମର ଶିକାର ହୋଇଥିବାର ଖବର ଚାଞ୍ଚଲ୍ୟ ଖେଳାଇ ଦେଇଛି। ଏହି ମାମଲାରେ ପୁଲିସ ତିନିଜଣଙ୍କୁ ଅଟକ ରଖିଥିବା ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ଗତ ୨୨ ତାରିଖରେ ରାଉରକେଲା ସେକ୍ଟର ୭ ଅଂଚଳର ଜଣେ ନାବାଳିକା ଏକ ମେଳା ଦେଖିବାକୁ ଯାଇଥିବା ବେଳେ ତାଙ୍କୁ ଏକୁଟିଆ ପାଇ ତିନିଜଣ ଅସାମାଜିକ ଯୁବକ ଟେକି ନେଇଥିଲେ । ଏହାପରେ ଜଣକପରେ ତାଙ୍କ ସହ ଦୁଷ୍କର୍ମ କରିଥିଲେ। ଖାଲି ସେତିକି ନୁହେଁ ଏଘଟଣା ସଂପର୍କରେ କାହାରିକୁ ଜଣାଇଲେ ଜୀବନରୁ ମାରିଦେବାକୁ ମଧ୍ୟ ଧମକ ଦେଇଥିଲେ । ତେବେ ଏନେଇ ନାବାଳିକାଜଣଙ୍କ ପରିବାର ଲୋକଙ୍କୁ ଜଣାଇବା ପରେ ସତ ସାମ୍ନାକୁ ଆସିଥିଲା । କୁହାଯାଉଛି ଯେ ଦୁଷ୍କର୍ମକାରୀମାନଙ୍କ ଧମକଚମକରେ ଅତିଷ୍ଠ ହୋଇ ପରିବାର ଲୋକେ ରାଉରକେଲା ସେକ୍ଟର ୭ ଥାନାରେ ଅଭିଯୋଗ କରିଛନ୍ତି ।
ପୁଲିସଏହି ଘଟଣାରେ ୩ଜଣ ଯୁବକଙ୍କୁ ଅଟକ ରଖିଛି । ସେମାନଙ୍କୁ ପଚରାଉଚରା ମଧ୍ୟ କରାଯାଉଛି । ଏଥିରେ ଆଉ କିଏ ସାମିଲ ଥିଲେ ସେସଂପର୍କରେ ପୁଲିସ ତଦନ୍ତ କରୁଥିବା ଜଣାଯାଇଛି।