ଉଦଳା: ଟଙ୍କା ଲୁଟ୍ ଉଦ୍ୟମ ବିଫଳ ହେବା ପରେ ଏଟିଏମ୍କୁ ଜାଳି ଦେଲେ ଦୁର୍ବୃତ୍ତ
ଉଦଳା: ମୟୂରଭଞ୍ଜ ଜିଲ୍ଲାର ଉଦଳାରେ ଏକ ଏଟିଏମ୍କୁ ଦୁର୍ବୃତ୍ତମାନେ ଜାଳି ଦେବା ଘଟଣା ଚାଞ୍ଚଲ୍ୟ ଖେଳାଇ ଦେଇଛି।
ମିଳିଥିବା ସୂଚନା ଅନୁଯାୟୀ, ଉଦଳାର କଲେଜ୍ ରୋଡରେ ଥିବା ଏସ୍ବିଆଇ ଏଟିଏମ୍ରୁ ଟଙ୍କା ଲୁଟି ନେବା ଉଦ୍ୟମ କରି ବିଫଳ ହେବା ପରେ ଦୁର୍ବୃତ୍ତମାନେ ଏଟିଏମ୍କୁ ଜାଳି ଦେଇଛନ୍ତି।
ଦୁର୍ବୃତ୍ତମାନେ ଗତକାଲି ବିଳମ୍ବିତ ରାତିରେ ଗ୍ୟାସ କଟର ବ୍ୟବହାର କରି ଏଟିଏମ୍ ମେସିନରୁ ନଗଦ ଟଙ୍କା ଲୁଟିବାକୁ ଚେଷ୍ଟା କରିଥିଲେ କିନ୍ତୁ ତାହା କରିବାରେ ବିଫଳ ହୋଇଥିଲେ। ପରେ ସେମାନେ ଏଟିଏମକୁ ଜାଳି ଦେଇ ଘଟଣାସ୍ଥଳରୁ ପଳାଇ ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏ ସଂପର୍କରେ ସୂଚନା ପାଇବା ପରେ ଉଦଳା ଥାନା ପୁଲିସ ଆଜି ସକାଳେ ଘଟଣାସ୍ଥଳରେ ପହଞ୍ଚି ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ ଅନୁସନ୍ଧାନ ଆରମ୍ଭ କରିଥିଲା। ଏଟିଏମ୍ ଭିତରୁ ଏକ ଗ୍ୟାସ୍ କଟର ଜବତ କରାଯାଇଛି। ଏନେଇ ପୁଲିସ୍ ଛାନଭିନ୍ କରୁଥିବା ଜଣାଯାଇଛି। ଏଯାବତ୍ ଏହି ଘଟଣାରେ କାହାରିକୁ ଗିରଫ କରାଯାଇ ନଥିବା କୁହାଯାଉଛି। ଏହି ଘଟଣା ଉଦଳାରେ ଚର୍ଚ୍ଚାର ବିଷୟ ହୋଇଛି।