ଯାଜପୁର ମହିଳା ହେଲେ ମିସେସ ରୟାଲ ବିଉଟି

ଯାଜପୁର: ଦିଲ୍ଲୀର ଆଇଟିସି ୱେଲକମ୍ ହୋଟେଲ ପରିସରରେ ଅନୁଷ୍ଠିତ ମିସେସ ଇଣ୍ଡିଆ ୟାର୍ଥ-୨୦୨୧ ପ୍ରତିଯୋଗିତାରେ ଯାଜପୁର ଝିଅ ଓ ବୋହୂ ଅନସୂୟା ପ୍ରଧାନ(୩୦) ଚଳିତ ବର୍ଷର ମିସେସ୍ ରୟାଲ ବିଉଟି-୨୦୨୧ ହୋଇଛନ୍ତି। ଜାତୀୟସ୍ତରରେ ଅନୁ‌ଷ୍ଠିତ ପ୍ରତିଯୋଗିତାରେ ୨୦ଟି ରାଉଣ୍ଡରେ ଦେଶର ବିଭିନ୍ନ ରାଜ୍ୟର ମହିଳାମାନେ ଏଥିରେ ସାମିଲ ହୋଇ ବିଭିନ୍ନ ବିଭାଗରେ ନିଜ ନିଜର କୃତିତ୍ବ ପ୍ରଦର୍ଶନ କରିଥିଲେ। ଶେଷ ପର୍ଯ୍ୟାୟରେ ଅନସୂୟା ଏଥିରେ କୃତକାର୍ଯ୍ୟ ହୋଇଛନ୍ତି।

ମେଧାବୀ ଛାତ୍ରୀ ଅନସୂୟା ବାରବାଟି ଅଞ୍ଚଳର ପ୍ରମୋଦ ଚନ୍ଦ୍ର ପ୍ରଧାନ ଓ କନକଲତା ପ୍ରଧାନଙ୍କ ଝିଅ ଏବଂ ଉଦୟଗିରି ଅଞ୍ଚଳର ଡକ୍ଟର ଶରଦା ପ୍ରଧାନଙ୍କ ପତ୍ନୀ। ଡକ୍ଟର ପ୍ରଧାନ ଉତ୍ତରପ୍ରଦେଶର ରୁର୍‌କିରେ ଥିବା ଆଇଆଇଟିର ପ୍ରଫେସର ଥିବାବେଳେ ଅନସୂୟା ମୁମ୍ବାଇର ଏକ କମ୍ପାନିର ଉଚ୍ଚ ପଦବିରେ ଅବସ୍ଥାପିତ ଅଛନ୍ତି। ତାଙ୍କର ଏହି କୃତିତ୍ବ ପାଇଁ ସାଙ୍ଗସାଥୀ ଓ ଶୁଭେଚ୍ଛୁ ତାଙ୍କୁ ଶୁଭେଚ୍ଛା ଜଣାଇଛନ୍ତି।