ଭୁବନେଶ୍ବର: ରାଜ୍ୟରେ ଆରମ୍ଭ ହେଲା ‘ମୋ କଲେଜ’ ଅଭିଯାନ । ମୋ ସ୍କୁଲ ଭଳି ‘ମୋ କଲେଜ’ ଅଭିଯାନ ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଭିଡିଓ କନଫରେନ୍ସିଂ ମାଧ୍ୟମରେ ‘ମୋ କଲେଜ’ ଓ ମୋ ୟୁନିଭର୍ସିଟି ଅଭିଯାନର ଶୁଭାରମ୍ଭ ହୋଇଛି । ଏହି ଅଭିଯାନରେ ୭୫୫ଟି କଲେଜ ସାମିଲ ଥିବା ବେଳେ ଏହା ପୁରାତନ ଛାତ୍ରଛାତ୍ରୀଙ୍କ ପାଇଁ ଭଲ ପ୍ଲାଟଫର୍ମ ଦେବ ଏବଂ ସେମାନେ ମୋ ସ୍କୁଲ ଭଳି ମୋ କଲେଜରେ ନିଜ ନିଜ କଲେଜକୁ ସହାୟତା କରିପାରିବେ ।
Sambad is now on WhatsApp
Join and get latest news updates delivered to you via WhatsApp
ତେବେ ମୋ କଲେଜ ଅଭିଯାନ କେବଳ ଆଲୁମିନା ଭିତରେ ସୀମିତ ହେବନି ବରଂ ଏହା ସମସ୍ତଙ୍କ ପାଇଁ ଖୋଲା ରହିବ । ଦେଶ ବିଦେଶରେ ଯେଉଁଠି ବି ଯିଏ ଥିବେ ‘ମୋ କଲେଜ’ ମାଧ୍ୟମରେ ନିଜ କଲେଜ ସହ ସେମାନେ ଯୋଡି ହୋଇ ପାରିବେ । ଏହି ଅବସରରେ ‘ମୋ କଲେଜ’ର ପୋର୍ଟାଲର ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ ।