ପୁଣି ଘନ କୁହୁଡ଼ିର ଚାଦର ଢ଼ାଙ୍କିବ ରାଜ୍ୟକୁ; ୬ ଜିଲ୍ଲାକୁ ଜାରି ହେଲା ୟେଲୋ ଓ୍ଵାର୍ଣ୍ଣିଂ

ଭୁବନେଶ୍ୱର: ଆଗାମୀ ୫ ଦିନ ପର୍ଯ୍ୟନ୍ତ ରାଜ୍ୟର ପାଗ ମୁଖ୍ୟତଃ ଶୁଖିଲା ରହିବ। ଦିନ ଓ ରାତିର ତାପମାତ୍ରାରେ ମଧ୍ୟ ସେପରି କୌଣସି ବଡ଼ ଧରଣର ପରିବର୍ତ୍ତନ ହେବାର ସମ୍ଭାବନା ନାହିଁ। କିନ୍ତୁ ରାଜ୍ୟର ଉପକୂଳବର୍ତ୍ତୀ ଜିଲ୍ଲାଗୁଡ଼ିକ ଠାରୁ ଆରମ୍ଭ କରି ଆଭ୍ୟନ୍ତର ଅଞ୍ଚଳର ଜିଲ୍ଲାଗୁଡ଼ିକରେ ଘନ କୁହୁଡ଼ି ପଡ଼ିବାର ସମ୍ଭାବନା ରହିଥିବା ଆଜି ଅପରାହ୍ନରେ ଭୁବନେଶ୍ୱର ସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଜାରି ଏକ ସତର୍କ ସୂଚନାରେ କୁହାଯାଇଛି।

#Weather briefing by Sc-C Umasankar Das for next five days, based on 0830 Hrs IST observation of #10th January, 2021.https://t.co/O46ZyRMdlG pic.twitter.com/omGsisNeyE

— Meteorological Centre, Bhubaneswar (@mcbbsr) January 10, 2021

ତେବେ, ଆସନ୍ତା ୨୪ ଘଣ୍ଟା ମଧ୍ୟରେ ଅର୍ଥାତ୍‌ ସୋମବାର ରାତିରୁ ମଙ୍ଗଳବାର ପ୍ରତ୍ୟୁଷ ମଧ୍ୟରେ ରାଜ୍ୟର ନୟାଗଡ଼, ବୌଦ୍ଧ, କନ୍ଧମାଳ, ଖୋର୍ଧା, କଟକ, ଜଗତସିଂହପୁର, ଅନୁଗୁଳ, କେନ୍ଦ୍ରାପଡ଼ା, ଯାଜପୁର, ଭଦ୍ରକ, ପୁରୀ, ମାଲକାନଗିରି ଓ କେରାପୁଟ ଜିଲ୍ଲାର କିଛି ସ୍ଥାନରେ ଘନରୁ ମଧ୍ୟମ ଧରଣର କୁହୁଡ଼ି ପଡ଼ିବାର ସମ୍ଭାବନା ରହିଛି।

#WarningDay1 (valid up to 0830 hrs IST of 12.01.2021)#YellowWarning( Be updated):
Dense fog very likely to occur at one or two places over the districts of Nayagarh, Boudh, Kandhamal, Khurda, Jagatsinghpur & Cuttack pic.twitter.com/Si5Nl4sUpf

— Meteorological Centre, Bhubaneswar (@mcbbsr) January 11, 2021

ଏହି ସମୟ ମଧ୍ୟରେ ରାଜ୍ୟର ନୟାଗଡ଼, ବୌଦ୍ଧ, କନ୍ଧମାଳ, ଖୋର୍ଧା, ଜଗିସିଂହପୁର ଓ କଟକ ପ୍ରଭୃତି ୬ଟି ଜିଲ୍ଲାରେ ଘନ କୁହୁଡି ପଡ଼ିବାର ସମ୍ଭାବନା ରହିଥିବାରୁ ଏହି ସମସ୍ତ ଜିଲ୍ଲାଗୁଡ଼ିକ ପାଇଁ ୟେଲୋ ଓ୍ଵାର୍ଣ୍ଣିଂ ଜାରି କରିଛି ପାଣିପାଗ ବିଭାଗ।

Today's #realized Station wise #Minimum temperature. pic.twitter.com/YT9gEvuZeb

— Meteorological Centre, Bhubaneswar (@mcbbsr) January 11, 2021