ଦକ୍ଷିଣ ଉପକୂଳବର୍ତ୍ତୀ ଅଞ୍ଚଳ ସମେତ ଏହି ସବୁ ଜିଲ୍ଲାରେ ଘଡ଼ଘଡ଼ି ବିଜୁଳି ସହ ବର୍ଷା ଆଶଙ୍କା
ଭୁବନେଶ୍ୱର: ଘୂର୍ଣ୍ଣିଝଡ଼ ଦକ୍ଷିଣ-ପୂର୍ବ ବଙ୍ଗୋପସାଗର ତଥା ଦକ୍ଷିଣ-ପଶ୍ଚିମ ବଙ୍ଗୋପସାଗର ତଥା ତାମିଲନାଡୁ ଉପକୂଳବର୍ତ୍ତୀ ଅଞ୍ଚଳରେ ରହିଛି । ଯାହାର ପ୍ରଭାବ ଦକ୍ଷିଣ ଓ ଉତ୍ତର ଓଡ଼ିଶାର ଗୋଟିଏ କିମ୍ବା ଦୁଇଟି ସ୍ଥାନରେ ପଡ଼ିବ। ଏହାର ପ୍ରଭାବରେ ଆସନ୍ତା ୨୪ଘଣ୍ଟା ମଧ୍ୟରେ ଦକ୍ଷିଣ ଉପକୂଳବର୍ତ୍ତୀ ଅଞ୍ଚଳର ଗୋଟିଏ କିମ୍ବା ଦୁଇଟି ସ୍ଥାନ ସହିତ ଓଡ଼ିଶାର କଳାହାଣ୍ଡି, କନ୍ଧମାଳ, ରାୟଗଡ଼ା, ବାଲେଶ୍ୱର, ମୟୁରଭଞ୍ଜ, କେନ୍ଦୁଝର, ଭଦ୍ରକ, ଢ଼େଙ୍କାନାଳ ଓ ଯାଜପୁର ଆଦି ଅନେକସ୍ଥାନରେ ବର୍ଷା ଆଶଙ୍କା ରହିଛି ବୋଲି ବୁଧବାର ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ପ୍ରକାଶ। ବର୍ଷା ସମୟରେ ବିଜୁଳି ଓ ଘଡ଼ଘଡ଼ି ମାରିବାର ସମ୍ଭାବନା ବି ରହିଛି।
Sambad is now on WhatsApp
Join and get latest news updates delivered to you via WhatsApp
ସେହିପରି ଗତ କାଲି ଜଗତସିଂହପୁରରେ ୪ମିମି ବର୍ଷା ରେକର୍ଡ କରାଯାଇଥିଲା ବେଳେ ଝାରସୁଗୁଡାରେ ୩ମିମି, ନବରଙ୍ଗପୁରରେ ୩ମିମି, ଖୋର୍ଦ୍ଧାରେ ୩ମିମି, ଯାଜପୁରରେ ୩ମିମି, ମୟୁରଭଞ୍ଜରେ ୩ମିମି, ଗଜପତିରେ ୩ମିମି, କନ୍ଧମାଳରେ ୨ମିମି, ଗଞ୍ଜାମରେ ୨ମିମି ଓ କଟକରେ ୧ମିମି ବର୍ଷା ରେକର୍ଡ କରାଯାଇଥିଲା। ସେହିପରି ଗତ କାଲି ଚାନ୍ଦବାଲିରେ ୩୫. ୨ଡିଗ୍ରି ସର୍ବାଧିକ ତାପମାତ୍ରା ଥିବା ବେଳେ ସର୍ବନିମ୍ନ ତାପମାତ୍ରା ୨୦.୫ଡିଗ୍ରି ଫୁଲବାଣୀରେ ରେକର୍ଡ କରାଯାଇଛି।