ଓଡ଼ିଶାରେ ୨ଘଣ୍ଟା ରହିବେ ମୋଦୀ

ଭୁବନେଶ୍ବର: ରାଜ୍ୟରେ ବିଜେପି ସରକାରର ବର୍ଷପୂର୍ତ୍ତି କାର୍ଯ୍ୟକ୍ରମ ଧୁମ୍‌ଧାମ୍‌ରେ ପାଳନ ହେବ। ଏଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଗଦେବେ। ଏଥିପାଇଁ ପ୍ରଧାନମନ୍ତ୍ରୀ ଓଡ଼ିଶାରେ ପ୍ରାୟ ୨ଘଣ୍ଟା ୧୦ମିନିଟ୍‌ ରହିବେ ବୋଲି ଜଣାପଡ଼ିଛି। ସୂଚନା ଅନୁଯାୟୀ, ଜୁନ୍ ୨୦ ତାରିଖ ଅପରାହ୍ଣ ୩ଟା ୪୦ରେ ପ୍ରଧାନମନ୍ତ୍ରୀ ବାୟୁସେନାର ସ୍ବତନ୍ତ୍ର ବିମାନ ଯୋଗେ ଭୁବନେଶ୍ବର ବିମାନବନ୍ଦରରେ ପହଞ୍ଚିବେ।

ବିମାନବନ୍ଦରରୁ ୩ଟା ୪୫ରେ ପ୍ରଧାନମନ୍ତ୍ରୀ ରୋଡ୍‌ ସୋ’ କରି ଜନତା ମଇଦାନକୁ ଯିବେ। ରୋଡ୍‌ ସୋ’ ବିମାନବନ୍ଦରରୁ ଏଜି ଛକ, ରାଜଭବନ ଛକ, ଜୟଦେବବିହାର ହୋଇ ଯିବାକୁ ଥିବାରୁ ପ୍ରାୟ ଅଧଘଣ୍ଟା ଲାଗିବ। ଏହାସହ ତ୍ରିରଙ୍ଗା ଶୋଭାଯାତ୍ରାରେ ସାମିଲ ହେବେ। ଅପରାହ୍‌ଣ ୪ଟା ୧୫ରେ ଜନତା ମଇଦାନରେ ପହଞ୍ଚିବା ପରେ ସେଠାରେ ଆୟୋଜିତ ସମାବେଶକୁ ଉଦ୍‌ବୋଧନ ଦେବେ। ପ୍ରଧାନମନ୍ତ୍ରୀ ଅପରାହ୍‌ଣ ୪ଟା ୩୦ରୁ ୫ଟା ୩୦ ପର୍ଯ୍ୟନ୍ତ ଉଦ୍‌ବୋଧନ ଦେବାର ଅଛି। ଏହାପରେ ୫ଟା ୩୫ରେ ଜନତା ମଇଦାନରୁ ବାହାରି ବିମାନ ବନ୍ଦରରେ ୫ଟା ୫୦ରେ ପହଞ୍ଚି ଦିଲ୍ଲୀ ଅଭିମୁଖେ ଯିବେ ବୋଲି ଜଣାପଡ଼ିଛି।