କଟକ : ନୂଆବର୍ଷ ଅବସରରେ କଂଗ୍ରେସର ବାରବାଟୀ-କଟକ ବିଧାୟକ ଇଞ୍ଜିନିୟର ମହମ୍ମଦ‌ ମୋକିମ୍‌ଙ୍କ ବନ୍ଧୁମିଳନ ଉତ୍ସବ ଆଲୋଚନାର ବିଷୟ ହୋଇଛି। ଦରଘାବଜାରସ୍ଥିତ ପୁରୁଣା ଜେଲ୍‌ ପଡ଼ିଆରେ ଅନୁ‌ଷ୍ଠିତ ବନ୍ଧୁମିଳନ କାର୍ଯ୍ୟକ୍ରମରେ ସମଗ୍ର କଟକ ସହରର କଂଗ୍ରେସ ନେତା, ଯୁବ କଂଗ୍ରେସ କର୍ମୀ, ସମର୍ଥକ, ବିଭିନ୍ନ ସାମାଜିକ ସଂଗଠନର କର୍ମକର୍ତ୍ତା, ଗଣମାଧ୍ୟମ ପ୍ରତିନିଧି ପ୍ରମୁଖ ଯୋଗଦେଇଥିଲେ। କିନ୍ତୁ କଂଗ୍ରେସର ବନ୍ଧୁମିଳନ କୁହାଯାଉଥିବା ବେଳେ ଏଥିରେ ନଗର କଂଗ୍ରେସ ସଭାପତି ସୁରେଶ ମହାପାତ୍ର ଓ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ ଯୋଗ ନ ଦେବାକୁ ଚର୍ଚ୍ଚା ଜୋର୍‌ ଧରିଛି। ବନ୍ଧୁମିଳନ ମାଧ୍ୟମରେ ମୋକିମ୍‌ଙ୍କ ଏଭଳି ଶକ୍ତି ପ୍ରଦର୍ଶନର ଉଦ୍ଦେଶ୍ୟ କ’ଣ ତାହା ସ୍ପଷ୍ଟ ହେଉନାହିଁ।