ଲୁଚକାଳି ମଧ୍ୟରେ ଜିଲ୍ଲାରୁ ବିଦାୟ ନେଲା ମୌସୁମୀ
ବାରିପଦା : ଚଳିତ ବର୍ଷ ଦକ୍ଷିଣ-ପଶ୍ଚିମ ମୌସୁମୀ ବାୟୁ ଲୁଚକାଳି ଖେଳ ମଧ୍ୟରେ ଅକ୍ଟୋବର ୨୬ରେ ବିଦାୟ ନେଇଛି । ମୟୂରଭଞ୍ଜରୁ ମୌସୁମୀ ପ୍ରତ୍ୟାହାରର ଧାର୍ଯ୍ୟ ତାରିଖ ଅକ୍ଟୋବର ୧୫ ହୋଇଥିବା ବେଳେ ଚଳିତ ବର୍ଷ ବ୍ୟତିକ୍ରମ ଦେଖା ଦେଇଥିଲା । ଗତ ଗତ ୨୫ ତାରିଖରେ ମୟୂରଭଞ୍ଜ ଜିଲ୍ଲାରୁ ମୌସୁମୀ ପ୍ରତ୍ୟାହାର ଆରମ୍ଭ ହୋଇଥିଲା । ଏହାର ପ୍ରଭାବରେ ଜିଲ୍ଲାରେ ଅକ୍ଟୋବର ୨୫ରେ ୬୫.୬ ମିମି ଓ ୨୬ରେ ୧୧ ମିମି ବର୍ଷା ହୋଇଥିଲା । ମୟୂରଭଞ୍ଜରେ ମୌସୁମୀ ପ୍ରବେଶର ତାରିଖ ଜୁନ ୧୦ ହୋଇଥିବା ବେଳେ ଜୁନ ୨ରେ ପ୍ରଭାବ ପରିଲକ୍ଷିତ ହୋଇଥିଲା ଏବଂ କୃଷି ବିଭାଗର ରେକର୍ଡ଼ରୁ ଉକ୍ତ ଦିନ ଜିଲ୍ଲାରେ ୩୪୨.୭୮ ମିମି ବର୍ଷା ହୋଇଥିବାର ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଜୁନରେ ଜିଲ୍ଲାରେ ସ୍ୱଭାବିକ ବୃଷ୍ଟିପାତ ୨୬୫.୮୦ ମିମି ଥିବା ବେଳେ ପ୍ରକୃତ ବୃଷ୍ଟିପାତ ୨୬୭.୯୨ ମିମି ରହିଥିଲା। ଜୁନରେ ସ୍ୱଭାବିକ ବୃଷ୍ଟିପାତଠାରୁ ୦.୮ ମିମି ଅଧିକ ବର୍ଷା ହୋଇଥିଲା । ଏହି ସମୟରେ ସାରସକଣା ବ୍ଲକରେ ସର୍ବାଧିକ ୫୧୯.୬୦ ମିମି ଓ ରରୁଆଁରେ ସର୍ବନିମ୍ନ ୪୮ ମିମି ବର୍ଷା ହୋଇଥିଲା । ସେହିପରି ଜୁଲାଇରେ ସ୍ୱଭାବିକ ବୃଷ୍ଟିପାତ ୩୩୭.୩୦ ମିମି ରହିଥିବା ବେଳେ ପ୍ରକୃତ ବୃଷ୍ଟିପାତ ୨୦୦.୬୫ ମିମି ରହିଥିଲା ଏବଂ ଏହା ସ୍ୱଭାବିକ ବୃଷ୍ଟିପାତଠାରୁ ୪୦.୫୧ ପ୍ରତିଶତ କମ୍ ରହିଥିଲା । କୁଳିଅଣା ବ୍ଲକରେ ସର୍ବାଧିକ ୩୨୫.୬୦ ଓ କୁସୁମୀ ବ୍ଲକରେ ସର୍ବନିମ୍ନ ୬୭.୬୦ ମିମି ବର୍ଷା ହୋଇଥିଲା । ଅଗଷ୍ଟରେ ସ୍ୱଭାବିକ ବୃଷ୍ଟିପାତ ୩୫୯.୯ ମିମି ରହିଥିବା ବେଳେ ପ୍ରକୃତ ବୃଷ୍ଟିପାତ ୫୦୦.୩୧ ମିମି ହୋଇଥିଲା ଓ ଏହା ସ୍ୱଭାବିକ ବୃଷ୍ଟିପାତଠାରୁ ୨୮.୦୬ ପ୍ରତିଶତ ଅଧିକ ରହିଥିଲା । କୁସୁମୀ ବ୍ଲକରେ ସର୍ବାଧିକ ୬୬୫.୫୩ ମିମି ଓ ତିରିଂ ବ୍ଲକରେ ସର୍ବନିମ୍ନ ୩୨୩.୭୦ ମିମି ବର୍ଷା ହୋଇଥିଲା ।
ସେପ୍ଟେମ୍ବରରେ ସ୍ୱଭାବିକ ବୃଷ୍ଟିପାତ ୨୬୨ ମିମି ରହିଥିବା ବେଳେ ପ୍ରକୃତ ବୃଷ୍ଟିପାତ ୧୩୭.୦୧ ମିମି ରହିଥିଲା ଓ ସ୍ୱଭାବିକ ବୃଷ୍ଟିପାତଠାରୁ ୪୭.୭୧ ପ୍ରତିଶତ କମ୍ ବର୍ଷା ହୋଇଥିଲା । ଯଶୀପୁର ବ୍ଲକରେ ସର୍ବାଧିକ ୨୦୨.୪୦ ମିମି ଓ ରରୁଆଁ ବ୍ଲକରେ ସର୍ବନିମ୍ନ ୨୪ ମିମି ବର୍ଷା ହୋଇଥିଲା । ଅକ୍ଟୋବର ୨୬ ସୁଦ୍ଧା ୧୦୭.୧୭ ମିମି ବର୍ଷା ହୋଇଥିବା ସମୟରେ ମୋରଡ଼ା ବ୍ଲକରେ ସର୍ବାଧିକ ୨୫୨ ମିମି ଓ ରରୁଆଁ ବ୍ଲକରେ ସର୍ବନିମ୍ନ ୧୬ ମିମି ବର୍ଷା ହୋଇଥିବାର କୃଷି ବିଭାଗ ରେକର୍ଡରୁ ଜଣାପଡ଼ିଛି ।