କଟକ: କଟକ ବଡ ମେଡିକାଲକୁ ଝିଅର ସ୍ବାସ୍ଥ୍ୟ ଯାଞ୍ଚ ପାଇଁ ଆସୁଥିଲେ ପରିବାର। ବାଲେଶ୍ବର ହଳଦୀପଦା ବିନୋଦ ଦାସଙ୍କ ପତ୍ନୀ ଝରଣା ଦାସ, ପୁଅ ସନ୍ଦୀପ ଦାସ ଓ ସାନ ଝିଅ ଜହ୍ନ। ଝିଅ ଜହ୍ନର ଟ୍ୟୁମର ଅପରେସନ୍ ହୋଇଥିବା ବେଳେ ଚେକଅପ୍ ପାଇଁ ଏସସିବିକୁ ଆସୁଥିଲେ। ଝରଣାଙ୍କ ସାନ ଭଉଣୀ ମମତା ଜେନା ରୁହନ୍ତି ଥୋରିଆ ସାହିରେ। ବିନୋଦ ଗାଁରେ ରହି ଯାଇଥିବା ବେଳେ ଝରଣା, ସନ୍ଦୀପ ଓ ଝିଅ କରମଣ୍ଡଳରେ ଆସିଥିଲେ କଟକ। ହେଲେ ଦୁର୍ଘଟଣାରେ ୩ ଜଣ ସବୁ ଦିନ ପାଇଁ ଆଖି ବୁଜି ଆର ପାରିକୁ ଚାଲିଗଲେ। ଏପଟେ ମମତା ବଡ ଭଉଣୀ ଓ ତାଙ୍କ ପରିବାରକୁ କଟକ ବଡ ମେଡିକାଲରେ ରାତି ସାରା ଅପେକ୍ଷା କରି ରହିଥିବା ବେଳେ ଥୋରିଆ ସାହିରେ ତାଙ୍କ ଘରେ ଚୋର କଳାକନା ବୁଲାଇ ଦେଇଛନ୍ତି। ସୁନା, ଟଙ୍କା, ମୂଲ୍ୟବାନ ସାମଗ୍ରୀ ସବୁ କିଛି ନେଇ ଯାଇଛନ୍ତି।