ଖୋର୍ଦ୍ଧା ସମ୍ବାଦ ସାହିତ୍ୟଘର ପକ୍ଷରୁ ବିଶ୍ୱ ମାତୃତ୍ବ ଦିବସ
ଖୋର୍ଦ୍ଧା: ଏକ ବ୍ୟକ୍ତି ଜୀବନରେ ମା’ର ଭୂମିକା ଅତୁଳନୀୟ । ତା’ର କୌଣସି ବିକଳ୍ପ ନାହିଁ । ସମାଜ ପାଇଁ ମା’ଙ୍କ ଭୂମିକା ଅସୀମ । ମା’ମାନେ ଏକଧାରରେ ଜନ୍ମଦାତ୍ରୀ, ପାଳନକର୍ତୀ ଓ ଶିକ୍ଷାଦାତ୍ରୀ, ଏଣୁ ଭାରତର ସଂସ୍କୃତି ଜନନୀ ଜନ୍ମଭୂମିଶ୍ଚ ସ୍ୱର୍ଗାଦପୀ ଗରିୟସୀ ବୋଲି ଘୋଷଣା କେରେ ବୋଲି ଆଜି ଖୋର୍ଦ୍ଧା ସମ୍ବାଦ ସାହିତ୍ୟଘର ପକ୍ଷରୁ ବିଶ୍ୱ ମାତୃତ୍ବ ଦିବସ ଉପଲକ୍ଷେ ଆୟୋଜିତ “ସମାଜକୁ ମା’ମାନଙ୍କ ଅବଦାନ’ ଶୀର୍ଶକ ଆଲୋଚନାରେ ଯୋଗ ଦେଇ ଅତିଥି ଓ ବକ୍ତାମାନେ ନିଜ ବକ୍ତବ୍ୟରେ ମତ ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ବିଡିଏ କଲୋନି ଗାୟତ୍ରୀ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ଏହି ସଭାରେ ସମ୍ବାଦ ସାହିତ୍ୟଘରର ସଭାପତି ସତ୍ୟବାଦୀ ବଳିଆରସିଂହ ଅଧ୍ୟକ୍ଷତା କରିଥିଲେ । ଭୀମସେନ ପ୍ରଧାନ, ବିଧାନଚନ୍ଦ୍ର ମହାନ୍ତି, ଡ ବୃନ୍ଦାବନ ପଣ୍ଡା, କୃଷ୍ଣଚନ୍ଦ୍ର ହରିଚନ୍ଦନ, ସମରେନ୍ଦ୍ର ବଳିଆରସିଂହ, ସାହିତ୍ୟଘରର ଉପସଭାପତି ପ୍ରଫୁଲ୍ଲ କୁମାର ସାମନ୍ତରାୟ ପ୍ରମୁଖ ଆଲୋଚନାରେ ଭାଗ ନେଇ ବ୍ୟଷ୍ଠି ଓ ସମିଷ୍ଠି ଜୀବନରେ ମାତୃଶକ୍ତିର ଭୂମିକା ସମ୍ପର୍କରେ କହିଥିଲେ । ଅଧ୍ୟକ୍ଷ ଶ୍ରୀ ବଳିଆରସିଂହଙ୍କୁ ଓଡ଼ିଶା ସାହିତ୍ୟ ଅକାଦମୀ ପକ୍ଷରୁ ଆଜୀବନ ସାହିତ୍ୟ ସାଧକ ଭାବେ ସମ୍ମାନିତ କରାଯାଇଥିବାରୁ ସମ୍ବର୍ଦ୍ଧିତ କରାଯାଇଥିଲା । ନିଜ ବକ୍ତବ୍ୟରେ ଇତିହାସ, ପୁରାଣ ଆଦିରୁ ଉଦାହରଣ ଦେଇ ମା’ମାନେ ନିଜ ସନ୍ତାନଙ୍କ ନିମନ୍ତେ କିଭଳି ଅସାଧ୍ୟ ସାଧନ କରିଥିଲେ ବର୍ଣ୍ଣନା କରିଥିଲେ ।
ସମ୍ବାଦ ସାହିତ୍ୟଘର ସମ୍ପାଦକ ଗୋବିନ୍ଦ ଚନ୍ଦ୍ର ମହାରଣାଙ୍କ ସଂଯୋଜନାରେ କବିତା ପାଠ ହୋଇଥିଲା । ଏଥିରେ ବିକ୍ରମ କେଶରୀ ଚମ୍ପତ୍ତି, ରାଜକିଶୋର ବଳିଆରସିଂହ, ଡ ନୀଳାଦ୍ରିନାଥ ଜଗଦେ୍ଦବ, ଅଶୋକ କୁମାର ରାୟସିଂହ, ଜ୍ୟୋତିପ୍ରଭା ପଟ୍ଟନାୟକ, ଶାନ୍ତିଲତା ଦେବୀ, କୈଳାସ ଚନ୍ଦ୍ର ପୃଷ୍ଟି, ବାସୁଦେବ ସାହୁ, ବଂଶିଧର ଦାସ, ବାସନ୍ତୀ ଦେଈ, ଡ ଚପଳା କୁମାରୀ ପଣ୍ଡା, ବିଳାସିନୀ ଦାଶ, ସୁବାସିନୀ ପଟ୍ଟନାୟକ, ଇତିଶ୍ରୀ ସାହୁ, ଦିଲିପ କୁମାର କର, ଅନସୂୟା ସାମନ୍ତରାୟ, ନିରଂଜନ ସାମନ୍ତରାୟ ପ୍ରମୁଖ ସ୍ୱନାମଧନ୍ୟ କବି ଓ କବୟତ୍ରୀଯୋଗ ଦେଇ ସ୍ୱରଚିତ କବିତା ପାଠ କରିଥିଲେ । ଉପଦେଷ୍ଟା ବିଳାସିନୀ ଦାଶ ଧନ୍ୟବାଦ ଦେଇଥିଲେ । ସୌଭାଗ୍ୟ କୁମାର କର ଓ ଜ୍ୟୋତି ରଂଜନ ସାହୁ କାର୍ଯ୍ୟକ୍ରମ ପରିଚାଳନା କରିଥିଲେ ।