ପୁଅବୋହୂଙ୍କ ମାଡ଼ରେ ମା’ର ମୁଣ୍ଡ ଫାଟିଲା
ମାଣିଦା: ସମ୍ପତି ଲୋଭରେ ହିତାହିତ ଜ୍ଞାନ ଭୁଲିଗଲା ପୁଅ। ମାତ୍ର ୩ ମାସ ତଳେ ବାହାହୋଇ ଘରକୁ ଆଣିଥିବା ପତ୍ନୀଙ୍କ ସହ ମିଶି ଜନ୍ମକଲା ମା’ର ମୁଣ୍ଡ ଫଟାଇଦେଲା। ଏମିତି ଘଟଣା ଘଟିଛି ରାସଗୋବିନ୍ଦପୁର ଥାନା ଅଧୀନ ପାଇକସାହି ଗ୍ରାମରେ।
Sambad is now on WhatsApp
Join and get latest news updates delivered to you via WhatsApp
ପ୍ରତାପଚନ୍ଦ୍ର ନାୟକଙ୍କ ପତ୍ନୀ ଲକ୍ଷ୍ମୀପ୍ରିୟା (୪୫)ଙ୍କ ଅଭିଯୋଗ ଅନୁଯାୟୀ; ବୋହୂ ନାଁରେ ଏକ ଜମି କବଲା କରିବାକୁ କେନ୍ଦ୍ର କରି ବଡ଼ପୁଅ ଦିଲ୍ଲୀପ ଓ ବୋହୂ ସୁଜାତା ମିଶି ଏକ ଲୁହା ନଳରେ ପିଟି ତାଙ୍କ ମୁଣ୍ଡ ଫଟାଇ ଦେଇଥିଲେ। ଗତ ୧୧ ତାରିଖ ଦିନ ଲକ୍ଷ୍ମୀପ୍ରିୟା ରାସଗୋବିନ୍ଦପୁର ଡାକ୍ତରଖାନାରେ ଚିକିତ୍ସିତ ହେବାପରେ ଥାନାରେ ଏତଲା ଦେଇଛନ୍ତି। ପୁଲିସ ୬୫/୨୩ରେ ମାମଲା ରୁଜୁ କରି ଅଭିଯୁକ୍ତ ପୁଅକୁ ଥାନାକୁ ଡାକି ପଚରାଉଚରା କରିଛି।