କନକତୋରା: ଝାରସୁଗୁଡ଼ା ଜିଲ୍ଲାର ଲଖନପୁର ଥାନା ଅନ୍ତର୍ଗତ ବେଲପାହାଡ଼ରେ ଜଣଙ୍କୁ ଗାଡ଼ି ଚଳାଇ ହତ୍ୟା କରାଯାଇଥିବାର ଖବର ମିଳିଛି।
ପ୍ରାପ୍ତ ସୂଚନା ଅନୁଯାୟୀ, ସୁନ୍ଦରଗଡ଼ -କନିକା ରାସ୍ତା ଉପରେ ଗ୍ରିଣ୍ଡୋଲା ଗାଁ ଠାରୁ ଅଳ୍ପ ଦୂରରେ ଥିବା ମାଣିକେଶ୍ୱରୀ ମନ୍ଦିର ନିକଟରେ ଜଣେ ବ୍ୟକ୍ତିଙ୍କର ହାତଗୋଡ଼ ବନ୍ଧାଯିବା ସହିତ ମୁହଁରେ କପଡ଼ା ବାନ୍ଧି ଶରୀର ଉପରେ ଗାଡି ଚଳେଇ କେହି ମାରି ଦେଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ପ୍ରାରମ୍ଭିକ ତଦନ୍ତରୁ ଏହା ଏକ ପରିକଳ୍ପିତ ହତ୍ୟା ବୋଲି ସନ୍ଦେହ କରାଯାଉଛି। ଏହି ଘଟଣାଟି ଗତକାଲି ରାତିରେ ଘଟିଛି। ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ। ଏହାପରେ ପୁଲିସ୍ ପହଞ୍ଚି ଘଟଣାସ୍ଥଳରୁ ମୃତ ଦେହକୁ ଉଦ୍ଧାର କରି ତଦନ୍ତ ଚଳାଇଛି।
ମୁହଁ ସହିତ ଶରୀର ଉପରେ ଭାରୀ ଯାନ ଚଳାଯାଇ ବ୍ୟକ୍ତିକୁ ହତ୍ୟା କରାଯାଇଥିବା ହେତୁ ଉକ୍ତ ଲୋକକୁ ଚିହ୍ନଟ କରିବା ପୁଲିସ ପାଇଁ କଷ୍ଟକର ହୋଇପଡ଼ିଛି ।