ରାଇରଂଗପୁରରେ ଭୋଟ ଦେଲେ ବିଜେପି ସାଂସଦ ପ୍ରାର୍ଥୀ ନବ ଚରଣ 

ରାଇରଙ୍ଗପୁର: ଓଡ଼ିଶାର ୬ ଲୋକସଭା ସହ ୪୨ ବିଧାନସଭା ଆସନ ପାଇଁ ଆଜି ଶେଷ ପର୍ଯ୍ୟାୟ ନିର୍ବାଚନରେ ପଡୁଛି ଭୋଟ। ମୟୂରଭଞ୍ଜ ଲୋକସଭା ଆସନରେ ମଧ୍ୟ ମତଦାନ ହେଉଛି। ଏଥିପାଇଁ ସକାଳୁ ସକାଳୁ ବୁଥରେ ପହଞ୍ଚି ଭୋଟ ଦେଇଛନ୍ତି ମୟୂରଭଞ୍ଜ ବିଜେପି ସାଂସଦ ପ୍ରାର୍ଥୀ ନବ ଚରଣ ମାଝୀ । ସେ ରାଇରଙ୍ଗପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ମହୁଲଡିହାସ୍ଥିତ ୨୪୬ ନଂ ପିଙ୍କ୍ ବୁଥରେ ସକାଳ ୭ଟାରେ ପହଞ୍ଚି ପ୍ରଥମେ ମତଦାନ କରିଛନ୍ତି।

ଏହି ଅବସରରେ ନବ ଚରଣ କହିଛନ୍ତି ଯେ, ସାଧାରଣ ନିର୍ବାଚନରେ ବିଜେପି ବିପୁଳ ଭୋଟରେ ବିଜୟୀ ହୋଇ ନିଶ୍ଚୟ ସରକାର ଗଠନ କରିବ । ଜିଲ୍ଲାର ସମସ୍ତ ଭୋଟରଙ୍କୁ ଗଣତନ୍ତ୍ରର ଏହି ମହାପର୍ବରେ ସାମିଲ ହୋଇ ନିଜର ମତାଧିକାର ସାବ୍ୟସ୍ତ କରନ୍ତୁ ଏବଂ ଉପଯୁକ୍ତ ପ୍ରାର୍ଥୀଙ୍କୁ ଚୟନ କରନ୍ତୁ ବୋଲି ଅପିଲ୍ କରିଛନ୍ତି ବିଜେପି ପ୍ରାର୍ଥୀ ।