ନବରଙ୍ଗପୁର: ଝରିଗାଁ-ଚନ୍ଦାହାଣ୍ଡି ଘାଟିରୁ ସ୍କୁଲ ବସ୍ ଖସି ୩ ମୃତ; ୧୦ ଆହତ
ଚନ୍ଦାହାଣ୍ଡି: ରବିବାର ପୂର୍ବାହ୍ନରେ ଝରିଗାଁ-ଚନ୍ଦାହାଣ୍ଡି ଘାଟିରୁ ଏକ ସ୍କୁଲ୍ ବସ୍ ଖସି ପଡ଼ିବାରୁ ଅନ୍ୟୂନ ୩ ଜଣଙ୍କର ମୃତ୍ୟୁ ଘଟିଛି ଓ ଅନ୍ୟ ୧୦ ଜଣ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶ୍ରୀଅରବିନ୍ଦ ସ୍କୁଲ୍ର ଏକ ବସ୍ ଉମରକୋଟରୁ ପ୍ରାୟ ୩୫ ଜଣ ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକ/ଶିକ୍ଷିକାଙ୍କୁ ନେଇ ଏକ ପାଠଚକ୍ର କାର୍ଯ୍ୟକ୍ରମରେ ଯୋଗ ଦେବାକୁ ଚନ୍ଦାହାଣ୍ଡି ଅଭିମୁଖେ ଆସୁଥିଲା। ଦିନ ପ୍ରାୟ ୧୧ଟା ବେଳେ ଝରିଗାଁ-ଚନ୍ଦାହାଣ୍ଡି ଘାଟିରେ କୌଣସି କାରଣରୁ ଚାଳକ ନିୟନ୍ତ୍ରଣ ହରାଇବାରୁ ବସ୍ଟି ପ୍ରାୟ ୧୫ ଫୁଟ୍ ତଳକୁ ଖସି ପଡ଼ିଥିଲା।
ଖବର ପାଇ ଝରିଗାଁ ଦମକଳ ଏବଂ ୧୦୮ ଆମ୍ବୁଲାନ୍ସ୍ ସେବା ଦୁର୍ଘଟନାସ୍ଥଳରେ ପହଞ୍ଚି ମୃତାହତମାନଙ୍କୁ ଉଦ୍ଧାର କରୁଛନ୍ତି।
ମୃତ୍ୟୁ ଘଟିଥିବା ଯାତ୍ରୀମାନଙ୍କର ପରିଚୟ ମିଳି ପାରିନାହିଁ। ମୃତ୍ୟୁସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା କରାଯାଇଛି।