‘ଖଣିଜ ଓ ଧାତବ ବର୍ଜ୍ୟବସ୍ତୁ କମାଇବା ସହ ପୁନଃବ୍ୟବହାର ହେଉ’
‘ଖଣିଜ ଓ ଧାତବ ଶିଳ୍ପରେ ବର୍ଜ୍ୟ ସମ୍ବଳ’ ଶୀର୍ଷକ ଜାତୀୟ ସମ୍ମିଳନୀ
ଭୁବନେଶ୍ୱର : ଖଣିଜ ପଦାର୍ଥ ଏକ ଦୁର୍ଲଭ ପ୍ରାକୃତିକ ସମ୍ବଳ। ଏହା ସୀମିତ ଓ ନବୀକରଣ ଯୋଗ୍ୟ ନୁହେଁ। ଶିଳ୍ପ ପାଇଁ ଏହା ଅତ୍ୟାବଶ୍ୟକ ହୋଇଥିବା ବେଳେ ଏହା ବିକାଶଶୀଳ ଦେଶର ସମ୍ପଦ। ଅତ୍ୟାବଶ୍ୟକ ସତ୍ତ୍ୱେ ନବୀକରଣ ଯୋଗ୍ୟ ହୋଇ ନ ଥିବାରୁ ଖଣିଜ ସମ୍ପଦକୁ ବ୍ୟବହାର କରିବାର ଦକ୍ଷତା ଓ ଏହି ଖଣିଜ ପଦାର୍ଥର ବର୍ଜ୍ୟବସ୍ତୁକୁ ପୁଣି ବ୍ୟବହାରଯୋଗ୍ୟ କରିବା ଉପରେ ଅଧିକ ଧ୍ୟାନ ଦେବା ଆବଶ୍ୟକ ବୋଲି କହିଛନ୍ତିି ରାଜ୍ୟପାଳ ଏସ୍ସି ଜମିର୍। ଧାତବ ପଦାର୍ଥ ପ୍ରତିଷ୍ଠାନ, ସିଏସ୍ଆଇଆର୍-ଖଣିଜ ଓ ଧାତବ ପ୍ରଯୁକ୍ତି ପ୍ରତିଷ୍ଠାନ (ଆଇଏମ୍ଏମ୍ଟି) ଏବଂ ନାଲ୍କୋର ମିଳିତ ସହଯୋଗରେ ସ୍ଥାନୀୟ ଖଣିଜ ଓ ଧାତବ ପ୍ରଯୁକ୍ତି ପ୍ରତିଷ୍ଠାନ ପ୍ରେକ୍ଷାଳୟରେ ଆୟୋଜିତ ‘ଖଣିଜ ଓ ଧାତବ ଶିଳ୍ପରେ ବର୍ଜ୍ୟ ସମ୍ବଳ’ ଶୀର୍ଷକ ଜାତୀୟ ସମ୍ମିଳନୀରେ ଯୋଗ ଦେଇ ଏହା କହିଛନ୍ତି ଶ୍ରୀ ଜମିର୍।
Sambad is now on WhatsApp
Join and get latest news updates delivered to you via WhatsApp
ଏହି ଜାତୀୟ ସମ୍ମିଳନୀରେ ଆଇଏମ୍ଏମ୍ଟିର ନିର୍ଦ୍ଦେଶକ ଏସ୍ ବାସୁ, ସମ୍ମିଳନୀର ସଭାପତି ଏସ୍.କେ ତାମୋଟିଆ ଓ ଧାତବ ପ୍ରତିଷ୍ଠାନର ଅଧ୍ୟକ୍ଷ ଆର୍ ଭୀମା ରାଓ ପ୍ରମୁଖ ଉପସ୍ଥିତ ଥିଲେ। ଏ.କେ ଚୌବେ କାର୍ଯ୍ୟକ୍ରମ ସଂଯୋଜନା କରିଥିଲେ। ଏହି ଅବସରରେ ବାର୍କ ନିର୍ଦ୍ଦେଶକ କେଏମ୍ ବ୍ୟାସ ଓ ୟୁସିଲ୍ର ସିଏମ୍ଡି ସି.କେ ଆସ୍ନାମିଙ୍କୁ ସମ୍ବର୍ଦ୍ଧିତ କରାଯାଇଥିଲା।