ରାଉରକେଲାରେ ୨୩୦ ଫୁଟ ଉଚ୍ଚରେ ଉଡିଲା ତ୍ରିରଙ୍ଗା
ରାଉରକେଲା: ୭୨ତମ ସାଧାରଣତନ୍ତ୍ର ଦିବସ ଅବସରରେ ରାଉରକେଲା ଇସ୍ପାତ କାରଖାନା (ଆର୍ଏସ୍ପି)ର ମୁଖ୍ୟ ନିର୍ବାହୀ ଅଧିକାରୀ (ସିଇଓ) ଦୀପକ ଚଟ୍ଟରାଜ ସେକ୍ଟର-୬ରେ ‘ଇସ୍ପାତ ସରୋବର ଉଦ୍ୟାନ’ର ଉଦଘାଟନ କରିଛନ୍ତି। ଏହି ଉଦ୍ୟାନର ବିଶେଷତ୍ଵ ହେଉଛି ଏହାର ମଧ୍ୟଭାଗରେ ଥିବା ୭୦ ମିଟର ( ପ୍ରାୟ ୨୩୦ ଫୁଟ୍) ଉଚ୍ଚତା ବିଶିଷ୍ଟ ପତାକା ସ୍ତମ୍ଭ ଉପରେ ଉତ୍ତୋଳିତ ଜାତୀୟ ପତାକା। ଉକ୍ତ ଜାତୀୟ ପତାକାର ଲମ୍ବ ଓ ପ୍ରସ୍ତ ଯଥାକ୍ରମେ ୭୨ ଫୁଟ ଓ ୪୮ ଫୁଟ ରହିଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖନୀୟ ଯେ ବର୍ତ୍ତମାନ ଏହା ହେଉଛି ରାଜ୍ୟର ଉଚ୍ଚତମ ପତାକା ସ୍ତମ୍ଭ। ଏହା ପଛକୁ ରହିଛି କଟକର ହାଇକୋର୍ଟ ପରିସରରେ ଥିବା ୨୧୫ ଫୁଟ୍ ଊଚ୍ଚତା ବିଶିଷ୍ଟ ପତାକା ସ୍ତମ୍ଭ ଓ ଅନୁଗୁଳରେ ନବୀନ ଜିନ୍ଦଲଙ୍କ ଫ୍ଲାଗ୍ ଫାଉଣ୍ଡେସନ୍ ଅଫ୍ ଇଣ୍ଡିଆ ଦ୍ବାରା ସ୍ଥାପିତ ୨୦୭ ଫୁଟ୍ ଉଚ୍ଚର ପତାକା ସ୍ତମ୍ଭ। ଇସ୍ପାତ ସରୋବର ଉଦ୍ୟାନ ମଧ୍ୟରେ ୬,୦୦୦ ବର୍ଗମିଟରର ଏକ ସୁନ୍ଦର ପୁଷ୍କରିଣୀ ରହିଛି । ଉଦ୍ୟାନରେ ଫୁଲଗଛ, ପାଚେରିରେ ସୁନ୍ଦର ଚିତ୍ରକଳା ଓ ପୁଷ୍କରିଣୀ ମଧ୍ୟରେ ନିର୍ମିତ ବିଭିନ୍ନ କଳାକୃତି ଅଞ୍ଚଳକୁ ଆକର୍ଷଣୀୟ କରିଛି। ଫୁଡ୍କୋର୍ଟ, ପିଲାଙ୍କର ଖେଳ ଉପକରଣ ଓ ଅନ୍ୟ ବହୁ ସୁବିଧା ତିଆରି ଚାଲିଛି।