ଭୁବନେଶ୍ବର : ସ୍ବାସ୍ଥ୍ୟ ସେବା ଓ ଗବେଷଣା କ୍ଷେତ୍ରରେ ପାରଦର୍ଶିତା ନେଇ ଓଡ଼ିଶାର ଜଣାଶୁଣା ବରିଷ୍ଠ ପେଟରୋଗ ବିଶେଷଜ୍ଞ ପ୍ରଫେସର ଡାକ୍ତର ମନୋଜ ସାହୁଙ୍କୁ ଜାତୀୟ ସ୍ତରରେ ସମ୍ମାନୀତ କରାଯାଇଛି। ରାଜସ୍ଥାନର ଜୟପୁରରେ ଆଇଏସଜିସିଓଏନ୍, ଜୟପୁର ପକ୍ଷରୁ ଆୟୋଜିତ ସ୍ବତନ୍ତ୍ର କାର୍ଯ୍ୟକ୍ରମରେ ପ୍ରଫେସର ଡାକ୍ତର ମନୋଜ ସାହୁଙ୍କୁ ଜାନୁଆରୀ ୭ ତାରିଖରେ ଏହି ସମ୍ମାନଜନକ ପୁରସ୍କାର ପ୍ରଦାନ କରାଯାଇଛି। ଇଣ୍ଡିଆନ୍ ସୋସାଇଟି ଅଫ ଗ୍ୟାଷ୍ଟ୍ରୋଏଣ୍ଟୋରୋଲଜି ( ଆଇଏସଜି) ସଭାପତି ଡାକ୍ତର ମହେଶ କେ ଗୋଏଙ୍କା ଏବଂ ସାଧାରଣ ସମ୍ପାଦକ ଡାକ୍ତର ଗୋବିନ୍ଦ କେ. ମଖାରିଆ ଉପସ୍ଥିତ ରହି ପ୍ରଫେସର ଡାକ୍ତର ସାହୁଙ୍କୁ ଏହି ସମ୍ମାନ ପ୍ରଦାନ କରିଛନ୍ତି। ଏହି ପୁରସ୍କାର ଆଗାମୀ ସମୟରେ ଚିକିତ୍ସା କ୍ଷେତ୍ରରେ ଦୁଇ ପାଦ ଆଗକୁ ବଢ଼ିବାରେ ଏବଂ ରୋଗୀ ସେବାରେ ସମର୍ପିତ ଜୀବନ ପାଇଁ ପ୍ରେରଣା ହେବ ବୋଲି ପୁରସ୍କାର ଗ୍ରହଣ କରିବା ପରେ କହିଛନ୍ତି ପ୍ରଫେସର ଡାକ୍ତର ମନୋଜ ସାହୁ ।