ଜାତୀୟ ଯୋଗ ପ୍ରତିଯୋଗିତା: ସାଇପ୍ରକାଶ ପାଇଲେ ଦୁଇଟି ସ୍ବର୍ଣ୍ଣପଦକ

ବନ୍ତ: ଆଇୱାଇଏସ୍‌ଏଫ୍‌ ପକ୍ଷରୁ କର୍ଣ୍ଣାଟକର ହାମ୍ପିଠାରେ ଆୟୋଜିତ ୩ ଦିନିଆ ଜାତୀୟ ଯୋଗ ଚାମ୍ପିଅନ୍‌ସିପ୍‌‌ରେ ବନ୍ତସ୍ଥିତ ଚାରୁଚନ୍ଦ୍ର ଇଂରାଜୀ ମିଡିୟମ୍‌ ସ୍କୁଲ୍‌ର ଛାତ୍ର ସାଇ ପ୍ରକାଶ ନାୟକ ୨ଟି ସ୍ବର୍ଣ୍ଣପଦକ ହାସଲ କରିଛନ୍ତି। ପ୍ରତିଯୋଗିତାର କନିଷ୍ଠ ବର୍ଗରେ ଅଂଶଗ୍ରହଣ କରିଥିବା ସାଇ ପ୍ରକାଶଙ୍କୁ ଏହି ସଫଳତା ମିଳିବା ପରେ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛା ଜଣାଯାଇଛି।

ବନ୍ତ ବ୍ଲକ୍ ନିକଟ ସଡ଼ା ପଞ୍ଚାୟତ ନାହା ଗ୍ରାମର ଇଂ.ପ୍ରଶାନ୍ତ କୁମାର ନାୟକ ଓ କଳ୍ପନା ମହାପାତ୍ରଙ୍କ ପୁଅ ତଥା ସାହିତ୍ୟିକ କୀର୍ତ୍ତନ ବିହାରୀ ନାୟକଙ୍କ ନାତି ହେଉଛନ୍ତି ସାଇପ୍ରକାଶ। ସେ ପିଲାଟି ଦିନରୁ ଯୋଗଶିକ୍ଷା ଗ୍ରହଣ କରୁଛନ୍ତି।