ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍  ଦାବିରେ ୮ରେ ରାଜଭବନ ଘେରାଉ କରିବ ନବ ନିର୍ମାଣ କୃଷକ ସଂଗଠନ

1

ଭୁବନେଶ୍ବର:  ପ୍ରାଇସ୍, ପ୍ରେଷ୍ଟିଜ୍ ଓ ପେନସନ୍  ଦାବିରେ ଆସନ୍ତା ୮ ତାରିଖ ଦିନ ରାଜଭବନ ଘେରାଉ କରିବ ନବ ନିର୍ମାଣ କୃଷକ ସଂଗଠନ । ଏ ନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି  ନବ ନିର୍ମାଣ କୃଷକ ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର  । ରାଜ୍ୟରେ ୩୬ଲକ୍ଷ ଚାଷୀଙ୍କ ପାଇଁ ମାସିକ ସହାୟକ ଭତ୍ତା ୫ହଜାର ଟଙ୍କା ଓ ସମ୍ମାନ ଦାବିକୁ ନେଇ ଗତ ନଭେମ୍ବର ୫ ତାରିଖରେ ରାଜଧାନୀରେ ମହାସମାବେଶ କରିବା ପାଇଁ ଆସିଥଲେ ଲକ୍ଷାଧିକ ଚାଷୀ । କିନ୍ତୁ ଏହି ମହାସମାବେଶକୁ ଭଣ୍ଡୁର କରିବା ପାଇଁ ରାଜ୍ୟ ସରକାର ଚକ୍ରାନ୍ତ କରିଥିଲେ ବୋଲି ସଂଗଠନ ଅଭିଯୋଗ କରିଛି । ତେବେ ଆସନ୍ତା ୮ ତାରିଖରେ ରାଜଭବନ ସମ୍ମୁଖରେ ହଜାର ହଜାର ଚାଷୀ ବିକ୍ଷୋଭ କରିବା ସହ ରାଜ୍ୟପାଳଙ୍କୁ ଭେଟି ଦାବିପତ୍ର ଦେବେ ବୋଲି କହିଛନ୍ତି ସେ ।

ରାଜ୍ୟର ୩୬ଲକ୍ଷ ଚାଷୀଙ୍କ ପାଇଁ ମାସିକ ସହାୟକ ଭତ୍ତା ୫ହଜାର ଟଙ୍କା ଓ ସମ୍ମାନ ଦାବି ପୂରଣ ପାଇଁ ରାଜ୍ୟ ସରକାରଙ୍କୁ ୨୧ହଜାର ୬୦୦ କୋଟି ଟଙ୍କା ଆବଶ୍ୟକ । କିନ୍ତୁ ଏହି ବାବଦରେ ସରକାର କୌଣସି ପଦକ୍ଷେପ ନେଉ ନାହାନ୍ତି, ବରଂ ଚାଷୀଙ୍କ ପାଇଁ କୁମ୍ଭୀର କାନ୍ଦଣା କାନ୍ଦୁଛନ୍ତି ବୋଲି ସମାଲୋଚନା କରିଛନ୍ତି ଅକ୍ଷୟ କୁମାର । ତେବେ କୃଷି ଉତ୍ପାଦିତ ଦ୍ରବ୍ୟର ମୂଲ୍ୟ ବୃଦ୍ଧି, ପ୍ରତି ଚାଷୀ ପରିବାରକୁ ସେମାନଙ୍କ ନାର୍ଯ୍ୟ ଅଧିକାର ନମିଳିବା ପର୍ଯ୍ୟନ୍ତ ଏଭଳି ଆନ୍ଦୋଳନ ଚାଲିବ ବୋଲି କହିଛନ୍ତି ଚାଷୀ ସଂଗଠନ ନେତା ଅକ୍ଷୟ କୁମାର ।

ସେପଟେ କୃଷି ଓ କୃଷକଙ୍କ ସମସ୍ୟା ନେଇ ଆସନ୍ତା ୮ ତାରିଖରେ ବିଜେଡି ପାର୍ଲାମେଣ୍ଟ ଘେରାଉ କରିବ । ଅନ୍ୟପଟେ ବିଜେପି ମଧ୍ୟ ଚାଷୀଙ୍କ ପ୍ରସଙ୍ଗକୁ ମୁଦ୍ଦା କରି ସଚିବାଳୟ ଘେରାଉ କରିବାକୁ ନିଷ୍ପତ୍ତି ନେଇଛି । ତେବେ ବର୍ତ୍ତମାନ ଏଭଳି ଚାଷୀ ଆନ୍ଦୋଳନ ପ୍ରକୃତରେ କେତେ ଫଳପ୍ରଦ ହେବ ନା ପୁଣି ଚାଷୀ ପରିବାରକୁ ପୂର୍ବପରି ସମସ୍ୟାରେ ରହିବେ ତାହା ଉପରେ ଏବେ ସମସ୍ତଙ୍କ ନଜର ରହିଛି।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. All India News Network says

    A Tele film n the real life difficulties of Farmers,Swamynathan Commission report on Farmers should be Highlighted and Anna Hazare support to Odisha Farmers should be added.Central Government has to come down to Bhubaneswar and sanction Special State Status to Odisha.Farmers Loans Waivers also made as main reason for any such agitation with Prior Written Permission for the Peaceful Protest/Agitation should be made.